Президенти Тоҷикистон Эмомалӣ Раҳмон имрӯз аз сифати сарулибоси мактабие, ки дар корхонаҳои пойтахт истеҳсол мешаванд, интиқод кард.
Бино ба иттилои хадамоти матбуоти Сарвари давлат, зимни суханронӣ дар маросими ифтитоҳи бинои нави таълимии муассисаи таҳсилоти миёнаи умумии №31 ноҳияи Шоҳмансури шаҳри Душанбе Эмомалӣ Раҳмон изҳор намуд, ки тибқи маълумот дар нимсолаи якуми соли 2018 дар шаҳри Душанбе 75 ҳазор дона либоси мактабӣ ба маблағи 3,4 миллион сомонӣ истеҳсол карда шудааст.
Дар ҳамин ҳол, Президент таъкид дошт, ки ин нишондиҳанда нисбат ба талабот, ки 110 ҳазор донаро ташкил медиҳад, хеле кам мебошад.
«Волидайни хонандагон аз сифат ва тарҳи дӯхти либосҳои мактабӣ қаноатманд нестанд ва бо ин сабаб қисми зиёди либосҳо дар анборҳо боқӣ мондааст», - гуфт Эмомалӣ Раҳмон.
Гуфта мешавад, дар ин робита Сарвари давлат назди мақомоти иҷроияи ҳокимияти давлатии шаҳри Душанберо вазифа гузошт, ки дар масъалаи бо тарҳи замонавӣ ба роҳ мондани дӯхти либоси мактабӣ, таъмин намудани талабот ба он ва то оғози соли нави хониш ташкил кардани ярмаркаҳои фурӯши либосу лавозимоти хониш тадбирҳои саривақтӣ андешад.
Қобили зикр аст, ки дар мактаби таҳсилоти миёнаи умумии №31-и пойтахт дар ду баст 3 ҳазору 120 нафар хонандагон таҳсил мекунанд.
Сарвари давлат аз омӯзгорон даъват кард, ки насли наврасро дар рӯҳияи ватандӯстӣ тарбия намуда, ба сатҳу сифати омӯзиши илмҳои муосир ва забонҳои хориҷӣ таваҷҷуҳи хосса зоҳир намоянд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста