Имрӯз дар шаҳри Душанбе бахшида ба Рӯзи кинои тоҷик 8-умин Кинофестивали байналмилалии «Дидор» баргузор мегардад.
Тавре АМИТ «Ховар» бо истинод ба мунаққиди соҳаи кино Саъдулло Раҳимов хабар иедищад, дар кинофестивали мазкур филмҳои ҷумҳуриҳои Қазоқистон, Қирғизистон, Озарбойҷон, Россия, Муғулистон, Украина, Эстония, Гурҷистон, Афғонистон, Ҳиндустон, Эрон ва Ӯзбекистон ба намоиш гузошта мешаванд.
Гуфта мешавад, дар Кинофестивали байналмилалии «Дидор» тӯли 5 рӯз беш аз 60 филми гуногунҳаҷм намоиш дода мешаванд.
Ба иттилои манбаъ, Кинофестивал имрӯз, соати 10:00 дар театри ба номи А. Лоҳутӣ ифтитоҳ меёбад. Дар Кинофестивали байналмилалии «Дидор» зиёда аз 20 филми тоҷикӣ ба намоиш гузошта мешаванд, ки аз ин шумора 9 филм пурра ва 12 –тояш филмҳои кӯтоҳметраж мебошанд.
Қайд мешавад, ки инчунин дар доираи кинофестивал «Барномаи ҳамсояҳо» доир шуда, филмҳо аз ҷумҳуриҳои Ӯзбекистон, Қирғизистон ва Қазоқистон намоиш дода мешаванд.
Ёдрас мешавад, ки 16 октябр дар Тоҷикистон Рўзи кинои тоҷик таҷлил гардида, бахшида ба ин рӯз ҳамасола аз 16 то 20 октябр Кинофестивали байналмилалии «Дидор» доир мегардад.
Зикр мегардад, ки кинои тоҷик фаъолияти худро 11 сентябри соли 1929 оғоз намуда, дар тўли 88 соли мавҷудияташ симои мардуми тоҷикро дар вазъиятҳои гуногуни таърихӣ ва иҷтимоӣ инъикос кардааст. Кинои тоҷик тӯли ин солҳо ҳамчун яке аз падидаҳои фарҳанги миллӣ вазифаи муқаддаси худро то андозае иҷро карда, ҳамчун оинаи миллат мардуми моро ба ҷаҳониён муаррифӣ намуд.
Ҳамчунин гуфта мешавад, дар доираи Кинофестивали байналмилалии «Дидор» намоиши филмҳо ҳамарӯза аз соати 10:00 то 20:00 тавассути 5 намоиш пешниҳод мешаванд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста