Сарфи назар аз тағйироти обуҳаво, мавсими гармидиҳӣ дар Душанбе аз 1 ноябр шурӯъ мешавад ва агар вазъи обуҳаво имкон диҳад, рӯзи 15 ноябр ба хонаҳо гармӣ дода мешавад.
Тавре ба “Азия-Плюс” як манбаъ аз сохтори энергеткии ҳукумати ҷумҳурӣ хабар дод, рӯзи 17 октябр кори қубурҳои гармидиҳии шаҳри Душанбе санҷида шуданд.
“Дар ин рӯз барои санҷиши кори қубурҳо ба биноҳои истиқоматии маҳаллаҳои Зарафшон ва Испечаки пойтахт гармӣ интиқол дода шуд. То мавсими оғози гармидиҳӣ дар ҳамаи маҳаллаҳои шаҳр чунин санҷишҳо гузаронида мешаванд”, - гуфт манбаъ.
Қаблан зикр гардида буд, ки дар Маркази барқу гармидиҳӣ (МБГ) Душанбе-2 шабонарӯзӣ то 4,2 млн. киловатт-соат нерӯи барқ истеҳсол мешавад.
“Феълан танҳо ду агрегати Маркази барқу гармидиҳӣ (МБГ)-и “Душанбе-2” кор мекунанд, ки то 4,2 млн. кВт/соат нерӯи барқ истеҳсол мекунанд”, - хабар дода буданд ба “Азия-Плюс” аз ширкати “Барқи тоҷик”. – Баъдтар боз ду агрегати дигар ҳам ба кор дароварда мешаванд”.
Дар ширкат қайд карданд, ки айни замон дар корхона танҳо нерӯи барқ истеҳсол карда мешавад, зеро ба энергияи гармӣ алҳол зарурат нест.
Иқтидори умумии МБГ “Душанбе-2” 400 МВт нерӯи барқ ва 360 Гкал энергияи гармиро ташкил медиҳад. Корхона ба истеҳсоли то 9 млн. кВт/соат нерӯи барқ дар як шабонарӯз қодир аст, ки беш аз 60%-и талаботи пойтахт ба нерӯи барқро таъмин карда метавонад.
Дар ҳамин ҳол, бо оғози мавсими гармидиҳӣ баъди танаффуси тӯлонӣ Маркази барқу гармидиҳӣ (МБГ)-и Душанбе-1 бо истифода аз гази Ӯзбекистон ба кор оғоз мекунад. Ду дегхонаҳои шаҳрии “Шарқӣ” ва “Ғарбӣ”, ки ба сохтори МБГ “Душанбе-1” дохиланд, дар як вақт ба кор дароварда мешаванд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Кулли ахбор
Авторизуйтесь, пожалуйста