Дар меҳмонхонаи “Хилтон” (собиқ “Шератон”)-и шаҳри Душанбе маросими муаррифии маҷмӯаи “Кӯҳистон” ва намоишгоҳ-фурӯши маснӯоти занони ҳунарманд таҳти унвони “Армуғон” доир гардид.

Маҷмӯаи “Кӯҳистон” аз маснӯоти дараҷаи Home Décor ва Accessory, аз ҷумла борхалта (сумка), ҳамён ва ғайра иборат аст, ки дар онҳо аз гулдӯзии сӯзанӣ, гилему қолинбофии омехта бо чарм истифода шудааст.

Дар намоишгоҳ болопӯшу болиштҳои зебои дастӣ дӯхташуда, бозичаҳои солинавии маҳсули дастони ҳунармандон ба маърази тамошо гузошта шуда, имрӯз дар ин ҷо доир ба тайёр кардани матоъҳои дастбоф, гулдӯзии сӯзанӣ, гилему қолинбофӣ ва дигар маснӯоти бофташуда машғулиятҳо баргузор мешаванд.

1/25

Ин чорабинӣ аз ҷониби Ташкилоти ҷамъиятии “Ассосиатсияи рушди сайёҳӣ дар Зарафшон” дар доираи амалисозии лоиҳаи “Фарҳангро эҳё намуда, оянда месозем” (Возрождаем культуру - строим будущее) доир гардида, маблағгузории онро сафорати Финландия ба дӯш гирифтааст.

Қобили зикр аст, ки амалисозии лоиҳа моҳи майи соли 2018 оғоз гардида, то имрӯз дар чаҳорчӯби он 8 тренинг ва 4 машғулият баргузор шудааст. Ҳамчунин беш аз 30 нафар занони ҳунарманд мавриди машғулиятҳои омӯзишӣ қарор гирифта, хати нави тайёр кардани маҳсулот таҳия шудааст.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.