Соли гузашта 1 млн 250 ҳазор нафар сайёҳони хориҷӣ аз Тоҷикистон боздид намуданд.
Бино ба иттилои Кумитаи рушди сайёҳии ҷумҳурӣ, бо назардошти боздиди 430 ҳазору 922 нафар сайёҳон аз Тоҷикистон дар соли 2017, соли 2018 шумори боздиди сайёҳони хориҷӣ 2,6 баробар афзуда, ҳамарӯза беш аз 3 ҳазору 400 нафар меҳмонон аз кишварҳои дигар ба Тоҷикистон омадаанд.
Дар ҳамин ҳол, дар маълумоти Кумита саҳеҳ зикр намешавад, ки ин шумори сайёҳон ё ҳамаи хориҷиён аст, ки соли гузашта ба Тоҷикистон ворид шудаанд.
Соли гузашта Кумита иттилоъ дода буд, ки нимаи аввали соли 2018 беш аз 900 ҳазор нафар хориҷиён аз Тоҷикистон боздид кардаанд.
Раиси Кумитаи Нуъмон Абдуғаффорзода он замон изҳор дошта буд, ки то ба миллион нафар расонидани шумори сайёҳон ба Тоҷикистон то соли 2020 ба нақша гирифта шудааст.
Афзоиши шумори шаҳрвандони хориҷиро, ки аз Тоҷикистон боздид мекунанд, президенти Тоҷикистон Эмомалӣ Раҳмон низ дар паёми худ ба парлумон қайд кард.
“Соли рушди сайёҳӣ ва ҳунарҳои мардумӣ эълон гардидани соли 2018 ба дарки аҳаммияти самтҳои мазкур дар ҳаёти иҷтимоиву иқтисодии мардум такони ҷиддӣ бахшида, шумораи сайёҳоне, ки соли 2018 ба Тоҷикистон омаданд, нисбат ба соли 2017 дуюним баробар афзуд, вале барои расидан ба ҳадафҳои пешбинишуда як сол басанда нест”, - изҳор намуд дар паёми худ Сарвари давлат.
Тибқи ҳисоботи солонаи Кумитаи рушди сайёҳӣ, имрӯз дар Тоҷикистон 145 адад агентиҳои туристӣ амал мекунанд, ки 75-тои онҳо соли 2018 таъсис дода шудаанд. Ҳамчунин дар саросари кишвар 297 меҳмонхона фаъолият дошта, сохтмони боз 41 меҳмонхона ҷараён дорад.
Бо мо дар Telegram, Facebook, Instagram, Viber, Яндекс.Дзен, OK ва Google Новости бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста