Раҳбарияти Агентии авиатсияи граждании назди ҳукумати Тоҷикистон дар мавриди рӯзҳои ахир болоравии нархи билетҳои ҳавопаймо чораҷӯӣ мекунад, хабар доданд ба “Азия-Плюс” аз ниҳоди мазкур.
Ба гуфтаи манбаъ, нархи билетҳо беасос буоло бурда шуда, аз ин рӯ, онҳо аз ширкатҳои ҳавопаймои талаб хоҳанд кард, ки билетҳоро бо нархҳои қимат нафурӯшанд.
“Мо мухолифи болоравии нархҳоем ва намехоҳем, ки мусофирон мушкилӣ дошта бошанд. Бо мақсади пешгирии беасос болоравии нархҳои билетҳои ҳавопаймо, дар доираи салоҳияти худ чораҷӯӣ мекунем. Намояндагони ширкатҳои ҳаврпаймоӣ ба наздикӣ ба Агентӣ даъват шуда, огаҳ карда мешаванд, ки нархҳоро поин баранд”, - хабар дод манбаъ.
Ҳамчунин зикр шуд, ки замони авҷи пандемия ва роҳандозии парвозҳои чартерӣ ба онҳо дастур дода шуда буд, ки нархгузории билетҳои ҳавопайморо пайгирӣ намоянд, лекин пас аз барқарор шудани парвозҳои мунтазам, ба ин кор бояд Хадамоти зиддиинҳисорӣ машғул шавад.
“Баъди азсаргирии хатсайрҳои мустақим ва ба низоми то коронавирус баргаштани шумори мусфоирон, ба танзими нархҳо Хадамоти зиддиинҳисорӣ ҷавобгӯ аст”, - изҳор доштанд дар Агентӣ.
Ҳафтаҳои ахир арзиши билети ҳавопаймо аз Тоҷикистон ба Русия ба таври назаррас боло рафт. Агар то Соли нав харидани он бо маблағи аз 2 то 3 ҳазор сомонӣ (аз 177 то 265 доллар) имкон дошт, пас ҳоло нархи билетҳо қариб ду баробар - зиёда аз 6 ҳазор сомонӣ (530 доллар) боло рафтааст. Ин зиёдтар аз нархи муқарраркардаи Агентиии авиатсияи граждании кишвар ба парвоз аз Душанбе ба Маскав ва бозгашт мебошад.
“Арзиши билети ҳавопаймои хатсайри Душанбе-Маскав, ки 19-уми январ аз ҷониби ширкати «Сомон Эйр» анҷом дода мешавад, 6 ҳазору 297 сомонӣ ва дар рӯзи дигар боз гаронтар - 6 ҳазору 450 сомониро ташкил медиҳад. Худи ҳамон рӯз аз Душанбе ба Маскав метавон аз ширкати «Уральские авиалинии” бо нархи 6 ҳазору 492 сомонӣ билет дарёфт намуд”, - хабар доданд дар яке аз хазинаҳои билетфурӯшии Душанбе.
Қаблан яке аз фурӯшандагони хазинаҳои пойтахт бо номи Алишер ба “Азия-Плюс” изҳор намуд, ки босуръат болоравии арзиши билетҳои ҳавопаймо ба оғози мавсими нав ва талаботи баланди мусофирон вобаста аст.
“Тайи ҳафтаҳои ахир талабот ба билетҳои ҳавопаймоӣ босуръат зиёд шуда, дар баробари ин, арзиши онҳо бамаротиб боло рафт. Дар ҳамин ҳол, болоравии арзиши билетҳо натанҳо дар Тоҷикистон, балки дар тамоми минтақа ба мушоҳида мерасад”, - гуфт Алишер.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста