Ширкати амрикоии Second Wind маълумот дар бораи муҳоҷират ба ИМА бо гирифтани раводид (виза) тариқи сармоягузориро дар доираи барномаи ЕВ-5 барои солҳои 2011-2021 нашр кард.
Ширкати мазкур маълумоти омори Хадамоти шаҳрвандӣ ва муҳоҷират тариқи сармоягузориро истифода кардааст.
Дар маълумот зикр мешавад, ки шаҳрвандони Тоҷикистон дар ин давра ҳамагӣ 8 раводид тариқи сармоягузориро ба даст овардаанд, аз ҷумла 7 раводид дар соли 2015 ва 1 раводид дар соли 2016.
EB-5 — барномаи давлатии ИМА барои додани раводиди муҳоҷират ба сармоягузорони хориҷӣ мебошад. Раводидҳо тариқи сармоягузорӣ дар доираи ин барнома ҳамасола дар баробари “грин-корт (ҳуҷҷати иҷозаи иқомат) дода мешаванд ва бо гузашти 5 сол гирифтани шаҳрвандии ИМА имконпазир мешавад. Ҳаҷми ҳадди ақали сармоягузорӣ ба иқтисоди ИМА тибқи ин барнома бояд на камтар аз 800 ҳазор долларро ташкил диҳад.
Гуфта мешавад, соли 2021 шумори раводидҳои ЕВ-5, ки ба шаҳрвандони Русия ва кишварҳои ИДМ дода шудааст, ба таври назаррас кам шуд.
Ба ин тариқ, сармоягузорони Русия ҳамагӣ 9 чунин раводид гирифтаанд, ки 4 баробар камтар нисбат ба як соли пеш ва 9 баробар камтар нисбат ба соли 2019 мебошад.
Байни кишварҳои ИДМ дар баробари Русия соли гузашта танҳо ба шаҳрвандони Озарбойҷон (4 раводид) ва Арманистон (1 раводид) муяссар шудааст, ки чунин раводидҳо гиранд.
Сабаби коҳиши назарраси пешниҳоди раводиди ЕВ-5 дар Русия ва кишварҳои ИДМ баста шудани консулгариҳо, инчунин фаъолияти бесамар ва нокофии хадамоти ИМА оид ба баррасии аризаҳо маънидод мешавад.
Байни кишварҳои Осиёи Марказӣ давоми солҳои 2011-2021 шаҳрвандони Қазоқистон нисбатан бештар раводидҳо тариқи сармоягузории ИМА-ро соҳиб шудаанд - ҳамасола аз 5 то 18 раводид.
Тӯли ин солҳо шаҳрвандони Ӯзбекистон 12 раводид ва Туркманистон 1 раводиди ИМА тариқи сармоягузориро гирифта, дар бораи Қирғизистон дар мавриди ин масъала маълумот дода намешавад.
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Кулли ахбор
Авторизуйтесь, пожалуйста