Суратгузориши мазкур аз маҳаллаи Боғистони шаҳри Исфара, ки дар ҷараёни муноқишаи марзии Тоҷикистону Қирғизистон аз ҷониби низомиёни қирғиз тирборон шуд, таҳия гардидааст.
Дар ин маҳалла тоҷикону қирғизҳо паҳлӯи ҳам зиндагии осоишта доштанд, аммо субҳи 14-уми сентябр оромиши онҳо ба ҳам зад.
Дар ин рӯз низомиёни қирғиз ногаҳон ба маҳаллаи Боғистон ҳамла намуданд. Онҳо аз силоҳҳои вазнин ба хонаи мардуми осоиштаи тоҷик тиру гулула шиллик карданд. Дар натиҷа, даҳҳо хонаи тоҷикон сӯхта хокистар шуд. Ҳамчунин, ду сокини маҳаллӣ куштаву чор тани дигар, бо шумули ду сарбоз, захмӣ шуданд.
Хабарнигори “Asia-Plus” ба Боғистон рафт, то оид ба вазъи ин маҳалла гузориш омода намояд. Ба хабарнигори мо муяссар нашуд, ки оилаи кушташудагон ва захмиёнро пайдо намоям, чун маҳалларо ҳама тарк карда буданд, аммо аксҳои бардошта гувоҳӣ аз вайронкориҳои сарбозони қирғиз медод.
Дар поён аксҳои хонаи сӯхтаву валангори Сайфуллои Абдунабӣ инъикос ёфтааст. Ҳамаи даҳ дар ҳуҷраи хонааш пурра сӯхтааст ва дар он наметавон зист.
Сайфуллои Абдунабӣ мегӯяд, ки дар ин ҳавлӣ 4 оила зиндагӣ доштанд ва ҳоло онҳо бесарпаноҳанд. Ҳамакнун, нақшаи оиладор кардани фарзанди панҷумаш низ барбод рафтааст.
Дар паҳлӯи хонаи ӯ хонаи қирғиз аст, аммо он зарар надидааст. Ин аз вайронкориҳои тарҳрезишудаву барқасдона гувоҳӣ медиҳад.
Сайфуллои Абдунабӣ бо душворӣ эҳсоси худро нигоҳ медорад ва кӯшиш мекунад, ки дар чунин ҳолат ҳам ҳарфи баде нисбати ҳамсояи қирғизаш нагӯяд.
Шояд минбаъд онҳо дигар мисли пешин қарин нагарданд ва ба ҳам бо шубҳа нигаранд, вале бо ин ҳам Сайфуллои Абдунабӣ ба ин кор ҳамсояи қирғизашро дахил намедонад.
Ӯ танҳо мегӯяд, ки фарзандонаш зиндаву саломат бошанд, ҳамаашро аз сари нав месозанд.
Ҳамчунин, Сайфуллои Абдунабӣ умед дорад, ки мардуми тоҷик ин ҳама душвориро паси сар мекунад ва ба хушбахтии ҷовидон мерасад. Ӯ бовар дорад, ки дар чунин рӯзи душвор ҳукумат ва роҳбари давлат онҳоро танҳо нахоҳанд гузошт.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста