Русия, Туркия ва Эрон дар робита ба ҳалли низои Сурия созишномаро ба имзо расонданд. Ин санад самтҳои афзалиятноки ҳамкориҳои минбаъдаи се кишварро дар доираи ҳалли осоиштаи низои Сурия муайян хоҳад кард.
Бино ба иттилои сомонаи Бахши хабарии Осиёи Марказӣ, президенти Русия Владимир Путин 22 ноябр, баъди анҷоми саммити сеҷониба дар шаҳри Сочӣ гуфт, раҳбарони се кишвар ба ниҳодҳои дипломатӣ, амният ва дифои худ дастур доданд, ки болои созмони Конгресси мардуми Сурия кор кунанд.
Президенти Эрон Ҳасан Руҳонӣ гуфт, ки ин конгресс ба таҳияи конститутсияи нави Сурия мусоидат хоҳад кард. Интизор меравад, дар асоси он дар ин кишвар интихобот баргузор шавад.
Президенти Туркия Раҷаб Эрдуғон афзуд, ки бояд дастрасии мунтазами шаҳрвандони Сурия ба кумакҳои башардӯстона фароҳам карда шавад.
Русия аз охирҳои моҳи сентябри соли 2015 дар Сурия амалиёти низомӣ мегузаронад. Ҳадафи расмии он мубориза бо терроризм аст. Ба иттилои Reuters, тайи 11 моҳи соли равон дар Сурия 40 сарбоз ва мутахассиси низомии рус кушта шудаанд. Путин пеш аз мулоқот бо ҳамтоёни эрониву туркаш гуфт, ки рӯзҳои наздик амалиёти низомии кишвараш дар Сурия ба поён расида, "равандҳои сиёсӣ" оғоз хоҳанд шуд.
Кишварҳои Ғарб борҳо Кремлро айбдор карданд, ки амалиёти низомии Русия ба ҳимоят аз режими Башор Асад ва мубориза бо мухолифони ӯ равона шуда, дар натиҷаи бомбаафканиҳои Димишқу Москва сокинони осоишта ҷон медиҳанд.
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Кулли ахбор
Авторизуйтесь, пожалуйста