Дар шаҳри Еревани Арманистон субҳи 2 май эътирози нофармонӣ ташкил шуда, эътирозгарон даҳҳо роҳи мошингарди он шаҳрро бастанд. Пулис талош дорад, ки роҳҳоро боз кунад. Ба навиштаи расонаҳо, пулис бештар аз 125 касро боздошт кардааст.
Расонаҳо менависанд, эътирозгарон бо истифода аз қуттиҳои партов роҳҳоро мебанданд.
Ишхан Сагателян, ноиб-раиси порлумони Арманистон дар суҳбат бо расонаҳо гуфт, ки шаб дар Ереван нисбатан ором пушти сар шуд, рӯёрӯӣ бо пулис сурат нагирифт, зеро дар шаҳр борон меборид. Аммо мухолифон дар майдони Фаронса шабро рӯз карданд.
Эътирозҳои мухолифон дар Арманистон ду ҳафта пеш баъди он шуруъ шуданд, ки сарвазир Никол Пашинян гуфт, ҷомеаи ҷаҳонӣ аз Арманистон интизор дорад, ки дар робита ба мавқеи Қарабоғи Куҳӣ ақибнишинӣ кунад.
Ба бовари мухолифони Арманистон, ҳукумати Пашинян тасмим дорад, дар масъалаи Қарабоғи Куҳӣ ба Озарбойҷон гузашт кунад. Ба ҳамин сабаб, мухолифин истеъфои Пашинянро талаб доранд.
Намояндагони ҳукумат талаби истеъфои Пашинянро рад мекунанд. Ба бовари ҳукумат, ин талаб аз сӯи аксарияти сокинон ҷонибдорӣ намешавад.
Дар Telegram, Facebook, Instagram, OK ва ВК бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста