Владимир Путин, президенти Русия дар суҳбати телефонӣ бо сарвазири Исроил Нафталӣ Беннет барои ҳарфҳои вазири корҳои хориҷии Русия Сергей Лавров дар мавриди яҳудиҳо ва яҳудибадбинӣ узрхоҳӣ кард. Дар ин бора аз датсгоҳи сарвазири Исроил хабар доданд.
"Сарвазир узрхоҳии Путинро барои ҳарфҳои Лавров пазируфт ва аз Путин барои шарҳ дар бораи муносибаташ нисбати мардуми яҳуд ва хотираи Ҳолокост изҳори сипос кард", - омадааст дар хабари дастгоҳи сарвазири Исроил.
Сомонаи расмии Кремл дар ин бора хабаре надодааст. Кремл танҳо аз гуфтугӯи Путин бо Беннет хабар дод.
Рӯзи 1 май вазири корҳои хориҷии Русия Сергей Лавров президенти Украина Владимир Зеленскийро бо пешвои миллатгарои Олмон Адолф Гитлер муқоиса кард.
Лавров гуфт, Гитлер ҳам "хуни яҳудӣ" дошт ва 6 миллион яҳудиро кушт. "Мардуми бохиради яҳудӣ мегӯяд, бадтарин яҳудибадбинон, тибқи маъмул, яҳудӣ ҳастанд", - гуфт Лавров.
Ин ҳарфҳои вай боиси хашми роҳбарияти Исроил шуд. Мақомоти Исроил Лавровро дар дурӯғгӯӣ ва нажодпарастӣ айбдор ва сафири Русияро дар Исроил барои шарҳ даъват карданд.
Рӯзи 3 май вазорати корҳои хориҷии Русия мақолаеро таҳти унвони "Дар бораи яҳудиситезӣ" нашр ва Исроилро дар ҳимоят аз "низоми неомиллатпарастии Киев" айбдор кард.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста