Дар марзи Тоҷикистон ва Афғонистон дидбонгоҳи сарҳадии Оқултун сохта, ба истифода дода шуд. Дар ин бора сафорати ИМА дар Тоҷикистон хабар медиҳад.
Имрӯз дар маросими ифтитоҳи дидбонгоҳи мазкур муовини қумандони Қушунҳои сарҳадии КДАМ ҶТ Абдусаттор Шоҳиён ва кордори муваққатии Сафорати ИМА дар Тоҷикистон Ҷон Гинкел ширкат варзиданд.
Лоиҳаи сохтмон ба маблағи 900 ҳазор доллари ИМА аз тарафи Дафтари ҳамкориҳои ҳарбии Сафорати ИМА дар Тоҷикистон таъмин ва амалӣ карда шуд. Иншооти мазкур иқтидори Қушунҳои сарҳадиро дар назорати доимии марзи муштарак бо Афғонистон дар ноҳияи Шаҳритуси вилояти Хатлон таъмин мекунад.
Он қобилияти марзбононро дар назорат ва пешгирии сарҳадшиканиҳои ғайриқонунӣ ба масоҳати тақрибан 15-20 км якчанд маротиба афзуда, муқовимат ба таҳдидҳои фаромиллӣ, аз ҷумла, қочоқбарони маводи мухаддир ва тундравони ҷангҷӯро боз ҳам қавитар мекунад.
Бо кумаки Сафорати ИМА сохтмон ва таъмири 9 дидбонгоҳи сарҳадӣ ва 2 отряд дар марзи Точикистону Афғонистон анҷом дода шуд. Мақсад аз он таҳкими амнияти сарҳади Тоҷикистон мебошад. Ҳукумати ИМА аз соли 2005 инҷониб барои тақвияти марзи Тоҷикистон ба маблағи зиёда аз 100 млн. доллар кумак пешниҳод кардааст.
Иёлоти Муттаҳида бо Тоҷикистон тӯли 27 сол боз ҳамкорӣ дошта, барои рушд ва кумак беш аз 1,8 миллиард доллари ИМА-ро тариқи барномаҳои дастгирии бахши хусусӣ, кишоварзӣ, тандурустӣ, маориф, институтҳои демократӣ ва амният пешниҳод кардааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Где в Таджикистане сдать тест на ДНК и во сколько это обойдется?
В Душанбе проходит выставка художниц из «Мастерской Оро»
В Кабуле талибы захватили дом Захира Агбара и Абдулрашида Дустума
В Таджикистане предупредили о риске появления чумы
Эмомали Рахмон обсудил в Риме ход строительства Рогунской ГЭС
Началась Всемирная неделя иммунизации
КЧС предупредил о возможном буйстве стихии в Таджикистане
Сборная Таджикистана по футзалу вышла в полуфинал Кубка Азии-2024
В Душанбе состоится выставка отечественных и зарубежных товаропроизводителей
Пыль из Сахары окрасила греческие Афины в оранжевый цвет
Все новости
Авторизуйтесь, пожалуйста