Идораҳои роҳи оҳани Тоҷикистону Ӯзбекистон имзои созишномаро дар бораи сохтмони хати интиқоли барқ дар паҳлӯи қитъаи роҳи оҳан дар шимоли Тоҷикистон - Бекобод-Конибодом-Бекобод ба нақша гирифтаанд.
“Ҷараёни муофиқасозии қарордод дар арафаи анҷомёбӣ буда, ба имзо расиданаш оянда наздик дар назар аст”, - хабар доданд ба “Азия-Плюс” аз КВД “Роҳи оҳани Тоҷикистон”.
Дар ширкат қайд карданд, ки корҳои пешакӣ барои амалисозии лоиҳаи мазкур аз ҷониби мутахассисони ҳар ду ҷониб ҳанӯз соли гузашта оғоз гардида, имконоти татбиқи ин ният баррасӣ шудааст.
Таъкид шуд, ки гузаштан ба истифодаи ҳаракат ба воситаи барқ ба манфиати ҳар ду ҷониб мувофиқ аст: хароҷоти боркашиву мусофиркашӣ кам мешавад, партоби маводи зараровар ба фазо аз сӯзонидани ангишт аз байн меравад, шумори қатораҳо зиёд мешавад, ки ба афзоиши даромади ҳар ду тараф мусоидат мекунад.
Зимнан илова шуд, ки тафсилоти масъала, аз ҷумла шартҳои созишнома танҳо баъди имзои санад дасрас хоҳад шуд.
Дар ҳамин ҳол, Sputnik Тоҷикистон бо истинод ба як манбаи номбарнашуда хабар медиҳад, ки ҷонибҳо аллакай қарордодро ба имзо расонидаанд, ки мувфиқи он Тошканд сохтмони хати интиқоли барқро дар қаламрави вилояти Суғд пурра ба уҳдаи худ мегирад.
“Тибқи маълумоти дастпасшуда, сохтмони хати итиқоли барқ барои транзити қатораҳо аз сарҳади ноҳияи Спитамен то истгоҳи Конибодом дар Тоҷикистон зиёда аз 108 километрро ташкил медиҳад”, - омадааст дар хабар.
Роҳиоҳанчии собиқадори тоҷик Усмон Қаландаров, ки айни замон бознишаста аст, қайд кардааст, ки ин лоиҳа ҳанӯз замони солҳои Иттиҳоди Шӯравӣ (СССР) тарҳрезӣ шуда буд.
Ба гуфтаи ӯ, татбиқи лоиҳаи барқӣ кардани қитъаи роҳи оҳани мазкур дар се марҳила пешбинӣ гардида буд: Тошканд-Бекобод (дар сарҳади ғарбии вилояти Суғд); Бекобод-Конибодом ва Конибодом-Қӯқанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Афиша от «Азия-Плюс»: Ночь TUT и снова вечер киномузыки, но теперь в театре Лохути
«Мы лишь выполнили свой человеческий долг»: как таджикские мигранты спасают российских граждан
Хозяин "Крокуса": Система пожаротушения во время теракта сработала штатно, а пожарные выходы были открыты
Таджикистан сократил количество квот на привлечение иностранной рабочей силы до 6,5 тысяч
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать свободной?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Все новости
Авторизуйтесь, пожалуйста