Хонандаи синфи 9-ум аз маркази ноҳияи Рӯшон ВМКБ рӯзи 1 октябр дар маҳалли ба ҳам омадани дарёи Бартанг ва Панҷ худро ба дарё афкандааст.

Бино ба иттилои маркази матбуоти Кумитаи ҳолатҳои фавқулодаи ҷумҳурӣ, ҳоло ҷузъиёти ин амали худкушӣ маълум набуда, ҷустуҷӯи ҷасади ӯ то кунун бенатиҷа будааст.

Гуфта мешавад, наҷотбахшон чанде пеш дар соҳили дарёи Ғунд ҷасади зани 71-солаи сокини ноҳия Шуғнон Зайнилмо Чоршанбиеваро дарёфт кардаанд, ки ҳанӯз 22 август аз хона баромада, бедарак шуда буд.

Ба иттилои манбаъ, ҳамчунин субҳи 1 октябр дар ҳавзи таъмини шабонарӯзии об дар шимоли Душанбе ҷасади як марди шахсияташ номаълум дарёфт шуда, ба мақомоти дахлдор супурда шудааст.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.