Сарҳадбонони дидбонгоҳҳои ноҳияҳои Ботканд ва Лайлаки Қирғизистон, ки бо ноҳияҳои Исфара ва Бобоҷон Ғафурови Тоҷикистон ҳамсарҳаданд, акнун бо дастгоҳҳои сабти видеоӣ ба посбонии марз мебароянд.
Сабти муноқишаҳои наздисарҳадӣ дар навори видео ба хотири дарёфти ҳақиқати ҳодисаи рухдода амалӣ мешавад.
Барномаи рушди СММ дар доираи лоиҳаи «Ҳамкории фаромарзӣ барои сулҳи устувор ва рушд» ба Хадамоти давлатии сарҳадбонии Қирғизистон тариқи ройгон 77 адад дастгоҳи сайёри сабти видеоӣ тақдим кард.
Тавре ба «Азия-Плюс» мутахассиси лоиҳаи зикршуда Сарвар Турдибоев хабар дод, аксар вақт ҳангоми сар задани муноқиша ва баҳсҳо миёни сокинони минтақаҳои наздимарзӣ, ҷонибҳо якдигарро гунаҳкор медонанд ва дар ин ҳолатҳо муайян кардани ҳақиқати воқеаи рухдода ва ба созиш овардани онҳо мушкил мешавад.
«Дастгоҳҳо барои истифодаи посбонҳои пиёдагарди сарҳад дода шуданд. Каме пештар ба дидбонгоҳҳо барои нигаҳдории акнун маводи сабти наворҳои видео компютер супурда шуд. Умедворем, ки истифодаи ин дастгоҳҳо ба пешгирии муноқиша ва низоъҳо дар сарҳади кишварҳо мусоидат мекунад», - қайд кард номбурда.
Дар ҳамин ҳол, тавре аз намояндагии Барномаи рушди СММ дар Тоҷикистон хабар доданд, ҳамин гуна дастгоҳҳои сабти видеоӣ ба сарҳадбонони Тоҷикистон низ супурда шудааст.
Қобили зикр аст, ки амалисозии лоиҳаи «Ҳамкории фаромарзӣ барои сулҳи устувор ва рушд»-и Барномаи рушди СММ ба фароҳам овардани шароитҳои мусоид ҷиҳати пешбурди сулҳу устувор ва рушд дар минтақаҳои наздисарҳадии Тоҷикистону Қирғизистон нигаронида шудааст.
Тадбирҳо дар самти таҳкими сулҳу созиш бо мақсади роҳандозии муколамаи созанда ва созиш байни аҳолии муқими вилояти Ботканди Ӯзбекистон ва вилояти Суғди Тоҷикистон амалӣ мешаванд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать «свободной»?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Как и почему «Исламскому государству» удается вербовать мигрантов из Центральной Азии
В Узбекистане мозаики внесены в список объектов культурного наследия
Минтруд России предложил назначить госоператора для оргнабора мигрантов
Серенко: о готовящихся терактах в России Москву предупреждали полгода назад
Все новости
Авторизуйтесь, пожалуйста