Вакили Маҷлиси вакилони халқи ноҳияи Рӯдакӣ Давлатбек Шодиев, муовини раиси ҷамоати Чортеппаи ҳамин ноҳия Ҷумъа Мардонов, коргузор Аҳлиддин Баҳриев, заминсоз Фаридун Норов ва капитани милитсияи маҳаллӣ Азиз Файзов аз ҷониби Агентии зиддифасод ба қаллобӣ гумонбар дониста мешаванд.
Бино ба маълумоти дафтари матбуоти Агентӣ, онҳо ба боварии сокини маҳаллӣ Диловар Маҳмудов даромада, барои ҷудо кардани 3 сотих қитъаи замини наздиҳавлигӣ аз ӯ дар маҷмӯъ 72 ҳазор сомонӣ пора гирифтаанд.
Гуфта мешавад, аз рӯи ин далел нисбати гумонбаршудагон парвандаи ҷиноятӣ оғоз карда шуда, тафтиши пешакии он идома дорад.
Қобили зикр мушкилоти ҷудо кардани қитъаҳои замин дар ноҳияи Рӯдакӣ аллакай солҳои зиёдест, ки мавриди баҳсу баррасӣ қарор дорад.
Президенти Тоҷикистон Эмомалӣ Раҳмон зимни сафари корӣ ба ноҳияи Рӯдакӣ аввали моҳи октяри соли 2017 дар ин робита изҳор намуда буд, ки тӯли 20 соли охир қариб 2,5 ҳазор гектар заминҳои таъиноти кишоварзии ноҳия аз гардиш бароварда шудаанд, ки 11 фоизи замини кишоварзии ноҳияро ташкил медиҳанд.
Сарвари давлат зикр карда буд, ки аз ҷониби ситоди Прокуратураи генералӣ оид ба 960 ҳолати хариду фурӯши замин ба маблағи 45 миллион сомонӣ парвандаҳои ҷиноятӣ оғоз карда шуда, умуман, дар ду солу нуҳ моҳи охир нисбат ба 608 нафар бо зиёда аз 1500 ҳолати қонуншиканӣ дар соҳаи замин парвандаҳои ҷиноятӣ оғоз гардида, мавриди тафтиш қарор дода шудаанд.
«Заминфурӯшӣ дар ноҳия ба дарди бедаво табдил ёфта, бадтар аз ҳама, заминҳои ҳосилхези таъиноти кишоварзӣ бо мақсади ғайрикишоварзӣ фурӯхта мешаванд, ки дар натиҷа тайи се соли охир 58 хоҷагии деҳқонӣ барҳам хӯрдааст, зеро заминҳои онҳо пурра фурӯхта шудаанд ва хоҷагиҳои деҳқонӣ безамин мондаанд», - таъкид дошта буд Эмомалӣ Раҳмон.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
В Душанбе запустили мобильный пункт приема обращений граждан
Памятка для туристов: Простые советы для тех, кто собирается посетить Узбекистан
В Душанбе открыли предприятие по производству атласа и адраса
В китайской армии создадут Силы информационной поддержки
Дом дехканина, цирк и кинотеатр «Большой»: 10 зданий, с которых начался Душанбе
«Душанбе – дом нашей надежды» Рустам Эмомали поздравил душанбинцев с Днем города
Первые места в Душанбинском полумарафоне заняли представители Украины и Узбекистана
Ереван и Баку впервые достигли соглашения о делимитации участка границы
Песни о солнечном Душанбе. Сегодня столица Таджикистана отмечает свой день
Правительство России уточнило правила утверждения квот на иностранных работников в регионах
Все новости
Авторизуйтесь, пожалуйста