7 июл дар шакли видеоконфронс ҷаласаи Шӯрои доимии Созмони Паймони амнияти дастаҷамъӣ (СПАД) доир гардид, ки дар кори он Дабири кулли Созмон Станислав Зас ширкат варзид.
Намояндаи доимӣ ва ваколатдори Тоҷикистон дар СПАД Ҳасан Султонов ба аъзои Шӯро дар бораи вазъияти сарҳади байни Тоҷикистону Афғонистон маълумот дод, хабар дода мешавад дар торнамои Созмон.
Аз ҷумла ӯ дар бораи вазъияти мавҷуда дар минтақаҳои наздисарҳадӣ маълумот дода, шумори сарбозони афғонеро, ки марзро гузаштанд, номбар кард.
“Давлати мо бо назардошти усули башардӯстӣ ва ҳусни ҳамҷаворӣ ба низомиёни афғон иҷоза дод, ки бемамониат ба қаламрави Тоҷикистон гузаранд. Қобили зикр аст, ки байни хизматчиёни ҳарбии Афғонистон 4 маҷрӯҳ ва 1 кушта ҳам буданд", - гуфтааст Султонов.
Ӯ изҳор доштааст, ки Тоҷикистон ба сифати кишваре, ки бо Афғонистон тӯлонитарин марз дорад, баҳри ба эътидол омадани вазъият ва муқовимат ба таҳдиду чолишҳои аз ин кишвар бармемомада тадбирҳо рӯйи даст мегирад.
“Лекин бо назардошти вазъияте, ки сарт гирифта истодааст ва инчунин дар мавзеи душворгузари кӯҳистон ҷойгир будани баъзе қитъаҳо дар сарҳад бо Афғонистон, яккаву танҳо аз уҳдаи иҷрои ин кор баромадан душвор аст. Ин ҳолатҳо вокуниши муносиби моро дар доираи СПАД тақозо мекунанд, аз ҷумла андешидани тадбирҳо оид ба тақвияти имконоти ҳифзи марзҳои ҷанубӣ”, - иброз дошгтааст Султонов.
Ба гуфтаи ӯ, дар ин росто зарурати таъмини иҷрои Қарори Шӯрои амнияти дастаҷамъӣ аз 23 сентябри соли 2013 “Дар бораи кумак ба Ҷумҳурии Тоҷикистон дар таҳқими марзи Тоҷикистону Афғонистон” муҳиму рӯзмарра боқӣ мемонад.
“Аз ин рӯ, мехоҳем аз кишварҳои аъзои Созмон даъват кунем, ки дар пурра амалисозии санади мазкур саҳми худро гузоранд”, - илова намудааст ӯ.
Дар ҷаласаи Шӯрои доимии СПАД ҳамчунин як қатор лоиҳаву санадҳои дигар баррасиву қабул шуданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Афиша от «Азия-Плюс»: Ночь TUT и снова вечер киномузыки, но теперь в театре Лохути
«Мы лишь выполнили свой человеческий долг»: как таджикские мигранты спасают российских граждан
Хозяин "Крокуса": Система пожаротушения во время теракта сработала штатно, а пожарные выходы были открыты
Таджикистан сократил количество квот на привлечение иностранной рабочей силы до 6,5 тысяч
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать свободной?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Все новости
Авторизуйтесь, пожалуйста