Бостоншиносони тоҷик аз мавзеи таърихии Саразми шаҳри Панҷакент ду дег ва оташдонҳоеро пайдо кардаанд, ки ба асрҳои 35-и пеш аз мелод дахл доранд.
Дар ин бора Шарофиддин Қурбонов, номзади илмҳои таърих ва яке аз бостоншиносоне, ки дар ковишҳои археологии Саразм машғул аст, иттилоъ дод.
“Хурма ё дегро дар назди оташдоне пайдо кардем, ки дар дохили он устухонҳо мавҷуд буданд. Дар назди оташдон як чуқурии дигаре барои гирифтани хокистар сохта шудааст. Яъне метавон хулоса кард, ки ин ошхона будааст. Ду намуд дег пайдо кардем: яке конусшакл ва таҳи дигараш паҳнтар. Дегҳоро аз сафол ва сангрезаҳо пас аз хуб пухта кардан сохтаанд”, - мегӯяд Шарофиддин Қурбонов.
Абдураҳмон Пӯлодов, ки омӯзгори фанни таърихи Донишкадаи омӯзгории Тоҷикистон дар шаҳри Панҷакент буда, тайи чанд вақт дар ковишҳои археологӣ иштирок дорад, мегӯяд: “Ҳамзамон пайдо шудани якчанд осори таърихи қадим, аз қабили олоти сангин, пайкон, сангҳои коркардшуда, сафолҳои рангшуда, чоҳи беш аз 23-метра барои обкашӣ, рангҳои зарду сурх ва гулобӣ, ки барои оро додани сафол истифода шудаву аз минералҳои кӯҳӣ истеҳсол мешудааст, аз дастовардҳои ахири бостоншиносони тоҷик дар Саразм мебошад”.
Қобили зикр аст, ки маросими бузургдошти 5500-солагии таъсиси шаҳри бостонии Саразм дар сатҳи байнулмилалӣ 12-уми сентябри соли равон таҷлил хоҳад шуд. Ин ёдгории нодир бо қарори Ҳукумати ҶТ аз 21-уми сентябри 2001 ҳамчун Маркази ташаккули тамаддуни кишоварзӣ, ҳунармандӣ ва шаҳрсозии тоҷикон – “Мамнӯъгоҳи таърихиву бостоншиносии Саразм” эълон гардида буд. Сипас бо пешниҳоди Тоҷикистон 31-уми июли 2010 аз ҷониби ЮНЕСКО ба Феҳристи мероси ҷаҳонии фарҳангӣ ворид карда шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Комитет по туризму Таджикистана: Риск чумы в Саратоге минимален, но меры безопасности не исключаются
В Иране к смертной в казни приговорен популярный рэпер Томадж Салехи
Сколько стоит проезд в столицах Центральной Азии?
Генпрокурор РФ заявил о необходимости усилить профилактику правонарушений мигрантов
Байден подписал закон о военной помощи Украине на $61 миллиард
Предприниматели Таджикистана и Италии подписали договора на более $160 миллионов
Таджикистан увеличил экспорт драгметаллов и камней в 1251 раз
Салом алейкум, Таджикистан! Анонсы событий, день в истории, прогноз погоды на 25 апреля 2024 года
Где в Таджикистане сдать тест на ДНК и во сколько это обойдется?
В Душанбе проходит выставка художниц из «Мастерской Оро»
Все новости
Авторизуйтесь, пожалуйста