Ҳилолбибӣ Қурбонзода, раиси Кумитаи кор бо занон ва оилаи назди ҳукумати кишвар ба суоли чаро аз рӯи натоиҷ ҳама ҳодисаҳои худкушӣ як сабаб – «бемории рӯҳӣ» зикр мешавад, посух дод.
Ӯ имрӯз, 2 август дар нишасти матбуотӣ, дар посух ба ин суол афзуд, ки шахси солим наметавонад ба худкушӣ даст занад, бахусус дар мавриди он худкушиҳое, ки тавассути корд анҷом дода мешавад.
“Албатта ин ҳолатҳое аст, ки онҳо худашонро идора карда наметавонанд. Сабаби ин ҳодисаҳоро прокуратура ва суд муайян мекунад. Онҳо дар аксар ҳолат муайян кардаанд, ки сабаби худкушӣ бемории рӯҳӣ аст”, - гуфт раиси кумитаи кор бо занон.
Дар ҳамин ҳол, коршиносон мегӯянд, сабаби аслии даст ба худкушӣ задани занону духтарон низоъҳои оилавӣ ва хушунати хонаводагӣ мебошад.
Ҳилолбӣ Қурбонзода иттилоъ дод, ки дар шаш моҳи соли ҷорӣ, 108 ҳолати худкушӣ ва сӯиқасд ба ҷони худ аз ҷониби занон ва духтарони ноболиғ ба қайд гирифта шудааст, ки ин нисбат ба ҳамин давраи соли 21 адад кам аст.
Ҳамин тариқ, дар вилояти Суғд 42 ҳолат ва дар вилояти Хатлон 33 ҳолати худкушӣ ва сӯиқасд ба ҷони худ аз ҷониби занону духтарон ба қайд гирифта шудааст.
Кумита барои занони талоқгирифта хобгоҳи муваққатӣ месозад
Дар нишасти матбуотӣ раҳбарияти Кумитаи кор бо занон ва оила гуфт, барои заноне, ки аз шавҳарони худ ҷудо шуда, аз хонаи шавҳар ва волидони худ ронда мешаванд, хобгоҳи муваққатӣ месозад.
Ҳилолбӣ Қурбонзода афзуд, барои сохтмони хобгоҳ дар шаҳри Душанбе аллакай як қитъа замини алоҳида ҷудо шудааст ва бунёди он дар нақшаи сохтмонҳои ҷашнии 35-солагии истиқлоли Тоҷикистон пешниҳод гардидааст.
Ӯ зикр кард, ки ҳуҷҷатҳо дар Сарраёсати меъмории шаҳри Душанбе дар баррасӣ қарор доранд ва дар сурати пурра ҳал шудани ҳуҷҷатгузорӣ маблағгузории он аз ҳисоби шарикони рушд ё ҳукумат пешбинӣ мешавад.
5 видов заболеваний, которые обостряются весной
В России уволили ректора Института русского языка после скандала с тестами для мигрантов
Товарооборот между Таджикистаном и Кыргызстаном упал до неприлично низкого уровня
FORMULA55 и ТВ «Варзиш» заключили спонсорское соглашение
Как, закрывая глаза на насилие в семье, в Центральной Азии множат суицид и убийства женщин
ЕФРС поможет Таджикистану внедрить принципы программного бюджетирования
Таджикистан в первом квартале продал соседям электричество почти на $7,2 миллиона
Узнали имена тех, кто вошел в команду мэра Душанбе Рустама Эмомали
В Душанбе открыли новое здание посольства Узбекистана
Таджикистан представил свои туристические возможности на международном форуме КОПИСТ-2024
Все новости
Авторизуйтесь, пожалуйста