Толибон баргузории мулоқоти Аҳмад Масъуд, роҳбари Ҷабҳаи муқовимати миллии Афғонистон ва Муҳаммад Исмоилхон, волии пешини Ҳирот бо вазири хориҷаи ҳукумати сарапарасти Толибон, Амирхони Муттақиро расман таъйид карданд.
Телевизиони миллии Афғонистон хабар медиҳад, ки Амирхони Муттақӣ баргузор шудани ин мулоқотро таъйид кард. Дар навори видеоие, ки ин шабака нашр кардааст вазири хориҷаи Толибон мегӯяд, ки ин мулоқот дар Эрон сурат гирифтааст.
Муттақӣ мегӯяд, ки "бо фармондеҳ Исмоилхон ва Аҳмад Масъуд низ дар Эрон дидор кардем. Бо афғонҳои дигар низ дидор доштем ва аз онҳо хостем, ки ба кишваршон баргарданд, ҳеҷ кас ба онҳо коре нахоҳад дошт ва мушкили амниятӣ барои онҳо эҷод нахоҳем кард".
Би-Би-Си ҳам хабар медиҳад, ки як манбаи наздик ба Ҷабҳаи муқовимати миллӣ низ баргузор шудани ин дидорро ба ин расона таъйид кардааст.
Саид Хатибзода, сухангӯйи вазорати хориҷаи Эрон ҳам дар нишаст матбуотии имрӯз, 10-уми январ дар посух ба саволи дарбора ин дидор гуфтааст "Дар ин сафар ҳам Ҷумҳурии Исломии Эрон мизбони ин гуфтугӯ будааст. Гуфтугӯҳои хубе байни гурӯҳҳои Афғонистони анҷом шудааст ва умедворем, ки натиҷаи он ояндаи дурахшоне барои мардум Афғонистон ба ҳамроҳ дошта бошад".
Хабари баргузории мулоқоти Аҳмади Масъуд бо Муттақиро шабакаи "Афғонистон интернейшнл" бо такя ба ду манбаи ба таъкиди ин расона муътабараш дар Теҳрону Машҳад ду рӯз пеш расонаӣ карда буд. Ин шабака навишта буд, ки Муҳаммад Исмоилхон волии пешини Ҳирот ва аз фармондеҳони маъруфи Ҷамъияти исломии Афғонистон низ ширкат мекунад.
Аммо Сибғатуллоҳ Аҳмадӣ, сухангӯйи Ҷабҳаи муқовимати миллии Афғонистон, рӯзи якшанбеи 9-уми январ хабарҳои нашршуда дар мавриди мулоқоти раҳбари ин ҷабҳа Аҳмади Масъуд бо сарапарасти вазорати хориҷаи Толибон Амирхони Муттақиро рад карда буд.
Аҳмадӣ дар як навиштаи фейсбукӣ гуфта, ки ҳеҷ мулоқоте дар назар нест ва дар ин бора пасонтар баёнияе содир хоҳанд кард.
Аммо то кунун тасовире аз ин мулоқот ва ҷузъиёти он нашр нашудааст. Ин дар ҳолест, ки баъди нашри хабарҳои ин мулоқот бисёре аз ҷонибдорону ҳаводорони Ҷабҳаи муқовимати миллии Афғонистон дар расонаҳо ва шабакаҳои иҷтимоӣ изҳори нигаронӣ карда, гуфтаанд, ки набояд ин мулоқт дар ин сатҳ баргузор шавад.
Амирхони Муттақӣ рӯзи шанбе дар раъси як ҳайат ба Эрон рафтааст, ки толибон гуфтаанд ин сафар бо даъвати вазорати хориҷаи Эрон сурат гирифтааст, ки "дар бораи масоили сиёсӣ ва иқтисодӣ гуфтугӯ мешавад".
Аммо "Афғонистон интернейшнл" бо такя ба як манбаи дигараш навишта, ки ин сафар бо даъвати Сипоҳи посдорон сурат гирифтааст.
Гуфта мешавад, ҳоло Аҳмади Масъуд дар Эрон аст аст ва барои дидор бо хонаводааш ба Машҳад рафтааст.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
СП «Джунтай Хатлон Син Силу» построит в юге Таджикистана хлопкоперерабатывающий завод
За связи с подозреваемыми в совершении теракта в «Крокус» задержаны 9 жителей Вахдата
Таджикистанцы реже стали летать в Россию, а ранее приобретенные билеты возвращают
Теракт в петербургском метро 2017 года: тогда обвинили 11 мигрантов, и их тоже пытали
Команда Европы повышает осведомленность о диабете в Таджикистане
МВД: Причина ДТП в Гисаре, где погиб ребенок на электросамокате, выясняется
Китайцы все еще верят в состоятельность нефтегазового чуда в Таджикистане?
За мигрантами в России будут следить с помощью цифрового профиля
«Он с братом связи не поддерживал». Отец Далерджона Мирзоева рассказал, что в розыске за терроризм уже находился другой его сын
Трагедия в Кушониёне: 4-летняя девочка утонула из-за отсутствия присмотра взрослых
Все новости
Авторизуйтесь, пожалуйста