«Бо ҷоизаи «Фаъолтарин бонк-эмитент дар Тоҷикистон барои соли 2019» муборакбод мегӯям. Мутаасифона, аз сабаби COVID19 мо натавонистем ҷоизаро шахсан ба Шумо супорида бошем, аммо муборакбодии фосилавии моро қабул фармоед» - дар мактуби худ ба бонк иброз дошт Иқбол Ҳакимов, бонкири хурди барномаи Маблағгузории тиҷорати, Гурӯҳи Институтҳои Молиявии Бонки Аврупоии Таҷдид ва Рушд (БАТР)

Бонки Эсхата бори навбатӣ чунин ҷоизаро сазовор гашт, ки аз ҷониби БАТР дар доираи барномаи мусоидат ба тиҷорат ташкил гардидааст. Ғолибон байни 120 бонкҳои-эмитент аз 30 кишварҳои олам муайян шуданд. Ин дастоварди калон барои Бонки Эсхата буда, баҳри пешравии бонк як таккони навбатии ҷиддӣ аст. То ба имрӯз дар Точикистон ягона Бонки Эсхата ҷоизаи «Фаъолтарин бонк-эмитент»-ро  шашкарата соҳиб шудааст.

Ҷоизаи мазкур соле як маротиба ташкил шуда, бо назардошти миқдор ва сифати хизматрасониҳо дар самти маблағгузории тиҷоратӣ ба бонкҳо супорида мешавад. Лоиҳаи мазкур барои рушди маблағгузории тиҷорат дар Тоҷикистон, пешравии фаъолияти соҳибкорони ватанӣ, тавассути пешниҳоди аккредитивҳо, кафолатҳои бонкӣ ва қарзҳои тиҷоратӣ мусоидат менамояд.

Бонки Эсхата минбаъд низ кӯшиш ба харҷ медиҳад, то ки унвони фаъолтаринро сазовор гашта, дар натиҷаи фаъолияти соли 2020 низ гӯшаи дастовардҳои худро ғанӣ намояд.

Бонки Эсхата аз соли 2004 дар доираи «Барномаи маблағгузории тиҷоратӣ»-и БАТР мизоҷони худро дар муомилоти байналмиллалии тиҷоратӣ бо шартҳои имтиёзнок дастгирӣ менамояд: содирот ва воридоти молҳо, мусоидат дар таҳвили таҷҳизот аз кишварҳои ИДМ, Аврупо ва Осиё, пешниҳоди хизматрасониҳои машваратию техникӣ ва дигарҳо. Сарфи назар аз пандемия, шарикони Бонки Эсхата дар соҳаи маблағгузории тиҷоратӣ муваффақ ҳастанд ва омодаанд, ки пешниҳоди мизоҷонро бо шартҳои ҳамкории дарозмуҳлат дида бароянд. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.