Муштариёни ширкати “МегаФон Тоҷикистон”, ки бастаҳои интернетиро бо ёрии замимаи “МегаФон Life”, чат-бот ё “Ҳуҷраи шахсӣ” пайваст мекунанд, аз оператор трафики бонусиро дар ҳаҷми аз 100 то 10 000 Мб вобаста ба бастаи интихобнамуда ба сифати туҳфа қабул мекунанд. Иқдом то 30 сентябри соли 2020 ҷараён хоҳад дошт.

“Иқдоми нав барои истифодаи сервисҳои қулайи худхизматрасонӣ ҳаваси тоза хоҳад бахшид. Дар ин маврид замимаи “МегаФон Life”, “Ҳуҷраи шахсӣ” ва чат-бот ба муштариён имкон медиҳанд, ки бисёр масъалаҳои худро ба идора наомада ҳал кунанд. Бо трафики бонусии интернет имкониятҳои истифодабарандагон чандкарата меафзоянд ва ҳангоми ба кор бурдани онҳо ба муштариён имконияти иловагӣ барои баҳрамандшавӣ аз ҷиҳатҳои мусбати ин хизматрасониҳо фароҳам меояд”, - мегӯяд директори тиҷоратии ширкати “МегаФон Тоҷикистон” Ҷамшед Бобоалиев.   

Трафики бонусӣ ба муштарӣ як маротиба – ҳангоми пайвасткунии дилхоҳ бастаи интернетӣ пешниҳод карда шуда, дар навбати аввал сарф карда мешавад. Муҳлати амали трафики “туҳфавӣ” ба муҳлати амали бастаи асосӣ баробар аст, дар сурати қатънамоии бастаи асосӣ трафики “туҳфавӣ” низ қатъ мегардад. 

Ҳаҷмҳои трафики бастаҳои туҳфавӣ дар ҷадвали зерин оварда шудаанд.                                               

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.