Дар шаҳри Тошканд ҷаласаи 76-уми Комиссияи байнидавлатии ҳамоҳангсозии масоили хоҷагии об доир гардид.
Дар кори ҷаласа вазири хоҷагии оби Ӯзбекистон Шавкат Ҳамроев, муовини вазири кишоварзии Қазоқистон Ерлан Нисонбоев, муовини аввали вазири энергетика ва захираҳои оби Тоҷикистон Султон Раҳимзода, сардори Раёсати истифодаи оби Кумитаи давлатии хоҷагии оби Туркманистон Байгелдӣ Байҷонов ва намояндагони мақомоти иҷроияи Комиссия иштирок карданд.
Зимни ҷаласа натиҷаҳои истифодаи маҳдуд кардан (лимит) ва реҷаи кори силсилаобанборҳо дар давраи обёрии соли 2018-2019 дар ҳавзаи дарёҳои Сирдарё ва Амӯдарё баррасӣ шуд.
Аз рӯи натиҷаи гуфтушунидҳо ҳудуди истифодаи обии кишвар ва реҷаи пешбинишудаи силсилаобанборҳо дар давраи обёрии соли 2019 дар ҳавзаи дарёҳои Сирдарё ва Амӯдарё тасдиқ шуд, хабар медиҳад дафтари матбуоти Вазорати хоҷагии оби Ӯзбекистон.
Гуфта мешавад, Ӯзбекистону Қазоқистон реҷаи пешниҳодшуда аз ҷониби Иттиҳодияи хоҷагиҳои оби “Сирдарё”-ро мувофиқа намуда, дар ҳамин ҳол ҷониби Тоҷикистон ба таъмини гузаштани об аз обанбори “Баҳри тоҷик” (Қайроққум) омодагӣ изҳор намудааст.
Дар ҷаласа ҳамчунин масъалаи иштироки аъзо ва мақомоти иҷроияи Комиссия дар таҳияи Барномаи амал оид ба кумак ба кишварҳои ҳавзаи Баҳри Арал низ мавриди баррасӣ қарор гирифтааст.
Ҷаласаи 77-уми навбатии Комиссияи байнидавлатии ҳамоҳангсозии масоили хоҷагии об даҳаи дуюми моҳи сентябри соли 2019 дар шаҳри Нур-Султон доир мегардад.
Комиссияи байнидавлатии ҳамоҳангсозии масоили хоҷагии об – мақомоти ягонаи хоҷагии оби кишварҳои Осиёи Марказӣ буда, моҳи феврали соли 1992 таъсис дода шудааст. Идоракунии пурсамари захираҳои об ва дастгирии устувории ҷараёнҳои табиӣ дар обҳои фаромарзӣ аз ҷумлаи вазифаҳои Комиссия муқаррар шудааст. Иттиҳодияи хоҷагиҳои оби “Сирдарё” ва “Амӯдарё” мақомоти иҷроияи Комиссия маҳсуб меёбанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста