Президенти Русия Владимир Путин президенти пешини Қирғизистон Алмосбек Отамбоевро ба ҳузур пазируфт. Дар ин бора Бахши хабарии Осиёи Марказӣ бо истинод ба сомонаи kremlin.ru хабар медиҳад.
"Ягон чизи махфӣ нест. Шумо медонед, ки ман ҳамеша барои тамос бо ҳамтоёни кунунӣ ва пешинам омода ҳастам. Бале, дар ҳақиқат ман бо Отамбоев мулоқот кардам ва мо дар бораи вазъи минтақа ва Қирғизистон суҳбат доштем", - гуфтааст Путин ба рӯзноманигорон.
Президенти Русия ҳамчунин гуфтааст, ки мавқеи ӯ равшан аст ва онро ба Отамбоев ҳам баён кардааст. "Ба назари ман, Қирғизистон барои мо давлати наздик ва ҳампаймон аст. Он ҳадди ақал ду бор шоҳиди нооромиҳои дохилии сиёсии ҷиддӣ шудааст ва фикр мекунам, маҳз ба хотири манофеи мардуми қирғиз бояд ба ин иктифо кард. Кишвар ба суботи сиёсӣ ниёз дорад ва ҳамаи мардум бояд дар атрофи президенти кунунӣ ҷамъ шуда, ба ӯ дар рушди Қирғизистон мусоидат кунанд. Мо бо Қирғизистон нақшаҳои зиёди ҳамкорӣ дорем. Мо мехоҳем, бо ҳукумати кунунӣ ҳамаи нақшаҳоро иҷро кунем", - изҳор доштааст Путин.
Гуфта мешавад, як ҳайат бо раҳбарии Алмосбек Отамбоев 24 июл аз пойгоҳи низомии Русия дар шаҳри Канти Қирғизистон ба Москва парвоз кард. Мушовири Отамбоев Кундуз Ҷолдубоева дар "Фейсбук" навишт, ки президенти пешини Қирғизистон бо даъвати дсӯтонаш ба Русия рафт, вале нагуфт, ки "ҷониби даъваткунанда" кист, вале навишт, ки "дар Москва мулоқоти сатҳи баланд баргузор хоҳад шуд".
"Отамбоевро дар сафараш ба Русия иҷрокунандаи вазифаҳои раиси Ҳизби сотсиал-демократии Қирғизистон Асел Кодуранова, муовинони раиси ҳизб Муродалӣ Мадеминов, Ирина Карамушкина ва Кундуз Жолдубоева, намояндаи расмии ҳизб дар Русия Темирлан Султонбеков ҳамроҳӣ мекунанд", - изҳор дошт вай.
Президенти кунунии Қирғизистон Сооронбек Ҷеенбеков 11 июли соли равон сафари кутоҳеро ба Русия анҷом дода буд.
Вазорати умури дохилии Қирғизистон се бор Отамбоевро ба бозпурсӣ даъват кард. Вале ӯ ҳозир нашуд. Вакили дифои Отамбоев гуфт, даъвати шахси зери ҳимояаш ба бозпурсӣ ғайриқонунӣ аст, чун ӯ ҳанӯз ҳам аз унвони президенти пешин ва дахлнопазирӣ бархурдор аст.
Порлумони Қирғизистон 27 июни соли равон Отамбоевро аз унвони президенти пешин маҳрум кард.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста