Сафири Қирғизистон дар Тоҷикистон Жаниш Рустенбеков аз мақом барканор шуд. Дар ин бора хабаргузории қирғизии 24.kg ба истинод ба хадамоти матбуоти президенти ин кишвар хабар додааст, вале сабаби ин барканорӣ маълум нест.
Манбаъ мегӯяд, Жаниш Рустенбеков аз моҳи декабри соли 2018 то ба имрӯз сафири Ҷумҳурии Қирғизистон дар Тоҷикистон буд.
“Моҳи майи соли гузашта кумитаи профилии Жогорку Кенеш ба ӯ изҳори нобоварӣ карда буд. Аммо бо вуҷуди ин, дипломат бозхонда нашудааст”.-навиштааст, 24.kg.
Ба навиштаи расонаҳои қирғизӣ фаъолони ин кишвар дар шабакаҳои интернетӣ бар зидди сафир Жаниш Рустенбеков зери хештег ё барчаспи #ЭлчиниИздейбиз (#Ищем посла ё худ Сафирро меҷӯем) иқдом карда буданд.
Жаниш Рустенбеков тайи чанд солҳо дар вазифаҳои раҳбарикунанда, аз ҷумла, вазири ҳолатҳои фавқулода ва сафири Қирғизистон дар Қазоқистону Туркманистон кор кардааст.
Ӯ дар ҳоле аз мақом барканор мешавад, ки Тоҷикистону Қирғизистон ду кишвари ҳамсоя давоми як соли ахир дар робита ба ҳаводиси марзӣ муносибати хуб надоранд. Охири моҳи апрели соли гузашта дар марзи ду кишвар муноқишае сар зад, ки оқибат ба хун печид ва аз ду ҷониб даҳҳо захмиву кушта шуданд. Ва ин ҳодиса боз шаби 27-уми январи имсол ба вуқӯъ пайваст, ки аз ҷониби Тоҷикистон 2 нафар кушта ва 10 нафар захмӣ шуданд ва Қирғизистон шумори захмиёнро 12 кас эълон кард.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
Кулли ахбор
Авторизуйтесь, пожалуйста