Миёни вилояти Суғди Тоҷикистон ва Фарғонаи Ӯзбекистон хатсайри нави байналмиллалии автобусҳо ташкил шуд. Ҳакнун автобусҳо дар хатсайри Хуҷанд-Қӯқанд-Хуҷанд мусофиркашонӣ мекунанд ва арзиши чиптаҳо дар ин хатсайр 100 сомонӣ мебошад.
Гуфта мешавад, бо ин хатсайри нави байнулмилалӣ автобус соати 8:00-и субҳ аз Хуҷанд ба Қӯқанд раҳсипор гардида, дар роҳ 3 соат вақт сарф мешавад.
Ҳаракати нахустин хатсайри автобусҳо аз шаҳри Хуҷанд ба самти Қӯқанд тариқи дидбонгоҳи сарҳадии “Андархон” амалӣ шуд, ки вақти сафар дар ин масир тақрибан 12 соатро ташкил додааст. Дар ин хатсайр автобусҳои ширкати “Asian Express” ҳафтае шаш рӯз мусофиркашонӣ мекунад.
Олимҷон Очилзода, мудири Шӯъбаи нақлиёт ва коммуникатсияи ҳукумати Суғд дар суҳбат ба “Азия-Плюс” гуфт, ки хатсайри нави “Хуҷанд-Қӯқанд-Хуҷанд” аз 20-уми феврал ба кор оғоз кард ва ҳамарӯза автобусҳо аз соати 8-и субҳ аз истгоҳи автобазаи таксиҳои шаҳри Хуҷанд ба роҳ мебарояд. Ӯ дар такя ба маълумоти ширкати мусофиркашон, гуфт ҳоло дар ин хастсайр начандон мусофирон зиёданд.
“Масофаи роҳи хатсайри автобусҳо аз Хуҷанд то Қӯқанд 200 километр аст. Соати 8:00 вақте аз ин ҷо ба роҳ мебарояд тахмин соати 13:30 бояд ба шаҳри Қӯқанд расад. Афтобусҳо аз Хуҷанд тариқи масири Конибодом сарҳади Патар, Бешариқ, Навбаҳор ҳаракат карда баъд ба Қӯқанд мерасанд. Худи ҳамон рӯз автобусҳо аз Қӯқанд ба Хуҷанд бармегарданд ”.-гуфт, Оҷилзода.
Бояд гуфт, ки аз моҳи октябри соли гузашта ҳар рӯз ду хатсайри автобусҳо дар масири Хуҷанд-Тошканд-Хуҷанд мусофиркашонӣ мекунанд.
Ба иттилои манбаъ, билет ба ин хатсайри автобус 100 ҳазор сӯм (ҳудуди 9 доллар) нарх дорад.
Зикр мегардад, ки вобаста ба талабот ва хоҳиши мусофирон шумори хатсайрҳо зиёд шуда метавонад.
Қаблан байни намояндагони Тоҷикистону Ӯзбекистон ҷаласаи навбатии Комиссияи муштарак оид ба масоили ҳамлу нақли байнулмилалии автомобилӣ баргузор шуд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста