Вазорати мудофиаи Қирғизистон эълон кард, ки размоиши низомии Созмони Аҳдномаи Амнияти Дастаҷамъӣ (СААД), ки мебоист таҳти унвони "Бародарии шикастнопазир - 2022" аз 10 то 14-уми октябр дар он кишвар баргузор шавад, бекор карда шуд.
Вазорати мудофиа далели бекор шудани баргузории размоиши низомиро нагуфтааст.
Яке аз сабабҳои баргузор нашудани размоиш метавонад низои ахир дар марзи Қирғизистону Тоҷикистон бошад, ки дар натиҷаи он аз ҳар ду ҷониб даҳҳо кас кушта шуд.
Бархе аз вакилони порлумони Қирғизистон баъди ин ҳодиса талаб карданд, ки артиши Тоҷикистон ба тамринҳои муштарак роҳ дода нашавад.
Собиқ муовини президенти Қирғизистон Феликс Кулов сабаби баргузор нашудани тамринҳои банақшагирифтаро дар суҳбат бо “Ъ” “муносибати сард бо Тоҷикистон” гуфтааст.
“Маълум аст, ки бидуни фармони сарфармондеҳи олӣ, президент Содир Ҷабборов, худи низомиён наметавонистанд ба чунин иқдоми шадид даст зананд. Дар ҷанги навбатии сарҳадӣ, одамон кушта шуданд, хонаҳо вайрон шуданд. Дар чунин шароит баргузор намудани тамринҳо қобили қабул набуд. Ва худи номи "Бародарии шикастнопазир - 2022" ҳадди ақал масхаракунанда садо медиҳад”, - менависад “Ъ”.
Коршиноси дигар Темур Умаров низ омили аслии лағви тамринҳоро муноқишаи Қирғизистон бо Тоҷикистон унвон карда гуфтааст, ки президент Содир Ҷабборов аз ин ҳолат истифода мекунад.
“Баъди ҳаводиси ахир дар ҷомеаи Қирғизистон як тавофуқ ҳосил шуд ва ҳар як иқдоми беэҳтиётонаи мақомот метавонад боиси эътирозҳо гардад. Ҷабборов инро дарк мекунад, илова бар ин, вай кӯшиш мекунад, ки бо истифода аз ин муноқиша бо Тоҷикистон холи сиёсӣ ба даст орад ва маҳбубияти худро дар байни сокинон бештар намояд”, - гуфтааст Темур Умаров, коршиноси Бунёди Карнегӣ “Ъ”.
Гуфтан ба маврид аст, ки нерӯҳои посдори сулҳи СААД аллакай дар Қазоқистон силсилаи тамринҳои худро бо номи "Муомила-2022" ва "Ҷустуҷӯ-2022" анҷом доданд. Он замон гуфта шуд, ки сарбозон, аз ҷумла низомиёни Русия ва Белорус ба Қирғизистон мераванд, аммо ҳоло гуфта мешавад, ки онҳо ба ватани худ бармегарданд.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста