Аз моҳи январ то апрели соли равон аз ширкатҳои хориҷӣ ба буҷети Қирғизистон дар шакли ба истилоҳ “андоз аз Google” зиёда аз 58,5 млн сом (668 ҳазор доллар) маблағ ворид шуд, хабар медиҳад Akchabar.kg.
Гуфта мешавад, маблағи мазкур 24,5 маротиба зиёдтар аз нишондиҳандаи 4 моҳи аввали соли 2022 (2,4 млн сом ё худ 27 ҳазор доллар) аст.
“Афзоиши пардохтҳо аз рӯи Андоз аз арзиши иловашуда (ААИ) аз ҷониби ширкатҳои хориҷӣ самаранокии “андоз аз Google”-ро нишон медиҳад”, - хулоса мекунанд коршиносон.
Бино ба маълумоти Хадамоти давлатии андози Қирғизистон, соли гузашта танҳо якчанд ширкатҳои бузурги хориҷии IT (технологияҳои иттилоотӣ) аз қабили Яндекс Go ва Adobe ба буҷети ҷумҳурӣ беш аз 85 млн сом (970 ҳазор доллар) маблағ интиқол доданд.
Шумори андозсупорандагон (резидентҳо) ҳам зиёд мешавад. Агар дар нимаи моҳи октябри соли 2022 15 корхонаи хориҷӣ ба сифати андозсупоранда ба қайд гирифта шуда буданд, пас дар семоҳаи аввали соли ҷорӣ дар рӯйхати мазкур 39 ширкат номнавис шудаанд.
“Андоз аз Google” дар Қирғизистон барои ташкилотҳои хориҷие, ки ба корбарони маҳаллӣ аз хориҷи кишвар хидматрасонии электронӣ пешниҳод мекунанд, аз 1 январи соли 2022 ҷорӣ шуда буд.
Дар Тоҷикистон чӣ?
Тағйироти вобаста ба “андоз аз Google” дар Тоҷикистон ҷиҳати андозбандии ширкатҳои хориҷӣ барои пешниҳоди хидматрасониҳои электронӣ аввали соли 2021 мавриди амал қарор гирифтанд.
То охири соли 2021 аллакай 21 чунин андозсупор ба қайд гирифта шуд.
Ширкатҳои хориҷӣ аз қабили Google, YouTube, Facebook, Instagram, Apple ва дигарон соли 2021 ба Тоҷикистон зиёда аз 2 млн сомонӣ (беш аз 159,9 ҳазор доллар) ААИ аз ҳисоби даромад аз хидматрасониҳои электронӣ пардохт намуданд.
Дар зарфи 6 моҳи соли 2022 аз ҳисоби ширкатҳои хорҷии машғул ба пешниҳоди хидматрасониҳои электронӣ дар Тоҷикистон ба буҷети давлатии ҷумҳурӣ зиёда аз 1,5 млн сомонӣ (146 ҳазор доллар) ААИ пардохт шуд.
Маълумоти соли гузашта ва ҳамчунин давраи панҷ моҳи соли равон дар ин бора дасрас нест.
Тибқи маълумоти Кумитаи андоз, то 1 августи соли 2022 дар низоми андози Тоҷикистон 23 ширкати хориҷии машғул ба хидматрасонии электронӣ, аз ҷумла Google Commerce Limited, Meta Platforms Irland Limited, Apple Distribution International Limited, Netflix International B.V., Amazon Web Services EMEA SARL ва дигарон ба қайд гирифта шудаанд.
Хидматрасониҳои электронӣ аз фурӯши китобҳои электронӣ ва дигар файлҳои медиавии электронӣ (мундариҷаи рақамӣ), интиқоли ҳуқуқҳо барои истифодаи барномаҳо, таблиғ (реклама), дастгирии сайт, нигоҳдорӣ ва коркарди иттилоот, омор, домен ва хостинг, дастрасӣ ба системаҳои ҷустуҷӯӣ, соҳаи IT ва ғайра иборатанд. Яъне ҳамаи ин хизматрасониҳое, ки тавассути Интернет пешниҳод карда мешаванд.
Мувофиқи Кодекси андози Тоҷикитсон, ки аз 1 январи соли 2022 мавриди амал қарор гирифт, меъёри стнадартии ААИ барои ширкатҳои хориҷие, ки мустақиман ё бавосита (ба воситаи агентҳои худ) ба шахсони воқеӣ тариқи онлайн хидматрасониҳо пешниҳод мекунанд, 15%-ро ташкил медиҳад.
Барои ворид кардан ба рӯйхати хидмати пулакӣ. Боздошти корманди комиссариати ҳарбӣ
Хато кардӣ ва пулро ба корти дигар интиқол додӣ? Чӣ тавр онро метавон баргардонид?
Тавофуқ бо ширкатҳои эронӣ ҷиҳати анҷоми ҳарчи зудтари сохтмони нақби “Истиқлол”
Суғуртаи тиббӣ дар Тоҷикистон: 15 сол шуд интизорем, боз ҳам интизор мемонем?
Ҳамла ба донишҷӯёни мусулмони Тоҷикистону Шри-Ланка дар Донишгоҳи Гуҷарати Ҳиндустон
Чӣ гуна ширкати “Нексигол” мехоҳад дар Тоҷикистон гази карбонро кам кунанд?
Рухшона Эмомалӣ дар маросими ифтитоҳи нимпайкараи Рӯдакӣ дар Донишгоҳи Лондон суханронӣ кард
Маросими видоъ бо Умар Зиёев. Ӯро дар Лучоб ба хок супориданд
Варзишгардухтари тоҷик ба Бозиҳои олимпӣ роҳхат гирифт
Кӯмаки башардӯстонаи Маркази имдоди Арабистони Саудӣ ва шоҳ Салмон ба мардуми Тоҷикистон
Кулли ахбор
Авторизуйтесь, пожалуйста