Шаш нафар варзишгари тоҷик дар мусобиқоти силсилаи Гран-при, ки рӯзҳои 5-6-уми октябр дар шаҳри Тошканд доир мегардад, ширкат меварзанд.
Бино ба иттилои Федератсияи дзюдои Тоҷикистон, дастаи мунтахаби ҷумҳурӣ таҳти роҳбарии президенти Федератсия Нурулло Лоиқов аллакай ба Тошканд раҳсипор шудаанд.
Ба иттилои манбаъ, дар ин мусобиқот дастаи Тоҷикистонро дзюдочиён Табризшо Парпишоев, Саидмухтор Расулов (ҳарду дар вазни то 73 кило), Фарҳод Раҳимов, Саидҷалол Саидов (ҳарду дар вазни то 81 кило), Комроншоҳи Устопириён (дар вазни то 90 кило) ва Муҳаммадмурод Абдураҳмонов (дар вазни зиёда аз 100 кило) намояндагӣ мекунанд.
Гуфта мешавад, маблағи мукофотпулии мусобиқот 100 ҳазор доллари ИМА-ро ташкил дода, дар сурати ҳунарнаиоии хуб варзишгарон ба имтиёзҳои рейтингӣ соҳиб мешаванд. Ин имтиёзҳо дар интихоби варзишгар барои иштирок дар Бозиҳои олимпӣ ба инобат гирифта мешаванд. Дар мусобиқот 190 нафар варзишгар аз 24 кишвари дунё ширкат меварзад.
Коршиносон бар ин назаранд, ки барои комёбӣ дар ин мусобиқот варзишгарони тоҷик имкони хуб доранд, зеро аз мусобиқоти зиёди имсола таҷриба кофӣ андӯхтанд. Як ҳафта қабл дар мусобиқоти Гран-при дар Алмаато Комроншоҳи Устопириён мақоми фахрии 4-умро ишғол намуда, дар мусобиқоти байнулмилалӣ барои дарёфти Ҷоми президенти Тоҷикистон дар Душанбе Фарҳод Раҳимов ва Муҳаммадмурод Абдураҳмонов ба ҷоизаҳо сазовор гардиданд.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста