Аз 11 то 21-уми октябр дар шаҳри Душанбе таҳти сарпарастии Федератсияи байнулмилалии шоҳмот (ФИДЕ) мусобиқоти шоҳмот баҳри дарёфти Ҷоми Осиёи Марказӣ баргузор мешавад.
Дабири кулли Федератсияи шоҳмоти Тоҷикистон Ҷамшед Исоев ба ОИ «Азия-Плюс» дар ин робита иттилоъ дод, ки ин мусобиқот соли 2011 бо ташаббуси президенти ФИДЕ Кирсан Илюмжинов ташкил гардида, мусобиқоти нахуст худи ҳамон сол дар Тошканд ва мусобиқоти минбаъда дар Қирғизистон доир гардид. «Иштирокчиёни мусобиқоти сеюми Ҷоми Осиёи Марказӣ оид ба шоҳмотро шаҳри Душанбе ба ҳузур мепазирад», - иброз дошт ӯ.
Ба қавли ӯ, мусобиқот таҳти раҳбарии Федератсияи шоҳмоти Тоҷикистон сурат гирифта, дар он иштироки намояндагони Қазоқистон, Қирғизистон, Тоҷикистон, Туркманистон, Ӯзбекистон ва Афғонистон дар назар буд.
«Айни замон иштироки худ дар мусобиқотро 11 нафар шоҳмотбозони дараҷаи олӣ аз Ӯзбекистон, 6 нафар аз Қазоқистон ва 3 нафар аз Қирғизистон тасдиқ намуда, бинобар мушкилоти дастрас намудани раводид шоҳмотбозони Туркманистон ба Душанбе омада наметавонанд», - зикр кард Исоев.
Номбурда ҳамчунин гуфт, шоҳмотбозони Афғонистон низ ба мушкили дастрасии раводид дучор буда, шумори умумии ҳайати онҳо ҳанӯз маълум нест. «Тоҷикистон ба пешниҳоди беш аз 20 нафар шоҳмотбозон барои иштирок дар ин мусобиқот имкон дошта, ҳамчунин дар ин мусобиқот грссмейстер Фаррух Амонатов низ ширкат хоҳад варзид, ки аз Маскав ба Душанбе омад», - изҳор кард ӯ.
Ба қавли Ҷамшед Исоев, ин нахустин мусобиқоти байнулмилалии шоҳмот дар Тоҷикистон тӯли 15 соли ахир аст. «Мусобиқоти охирини байнулмилалӣ дар Тоҷикистон соли 1998 барои дарёфти Ҷоми президенти Тоҷикистон доир гардида буд», - афзуд дабири кулли Федератсияи шоҳмоти ҷумҳурӣ.
Зимнан зикр гардид, ки ҳаҷми умумии мукофотпулии мусобиқот 25 ҳазор доллари ИМА-ро ташкил медиҳад, ки аз ҷониби президенти ФИДЕ таъмин карда мешавад. Аз ин маблағ 90% барои мукофотпулии иштирокчиён ва 10% барои мукофотпулии ҳайати доварон масраф мегардад.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста