Дар торнамои расмии Федератсияи байналмилалии ассотсиатсияҳои футбол (ФИФА) феҳристи раддабандии мунтахабҳои миллии кишварҳои дунё барои моҳи март нашр шуд.
Бино ба иттилои торнамои расмии Федератсияи футболи Тоҷикистон (ФФТ), мувофиқи ин феҳрист мунтахаби миллии Тоҷикистон, ки аз моҳи сентябри соли гузашта то имрӯз ягон бозӣ нагузаронидааст, чор мавқеъро аз даст дода, ба зинаи 141-ум фаромад.
Гуфта мешавад, акнунмунтахаби футболи Тоҷикистон 192 имтиёз дошта, дар байни 46 дастаи мунтахаби Конфедератсияи футболи Осиё, дар зинаи 20-ум қарор дорад.
Зимнан зикр мегардад, ки дар раддабанди апрелии ФИФА, ки пеш аз қуръакашии марҳилаи интихобии ҶҶ-2018 ва Ҷоми Осиё-2019 интишор мешавад, тағйиротҳои чашмрас ба амал омаданаш имкон дорад. Дар сурати ғолиб шудан дар бозиҳои дӯстона бар Молдив (26 март, дар Малӣ) ва бар Сирия (31-уми март, дар Душанбе), мунтахаби Тоҷикистон мавқеи худро дар раддабандии ҷаҳонӣ ба таври назаррас беҳтар месозад. Дар суръати акс дастаи мо ҳангоми «шинонидани» дастаҳо дар қуръакашии ҶҶ-2018 ва Ҷоми Осиё-2019 ба сабади чорум меафтад.
Рейтинги ФИФА аз соли 1993-юм ба ин сӯ тартиб дода мешавад. Имтиёзҳо ба кишварҳо аз рӯи натоиҷи дастаи мунтахаби миллиашон дар давраи чаҳор сол дода мешавад. Натиҷаи беҳтарини мунтахаби Тоҷикистон дар тамоми таърихаш дар феҳристи ФИФА ҷойи 106-ум дар моҳи июни соли 2013-ум мебошад.
Қобили зикр аст, ки рейтинги мазкур дар маҷмӯъ 209 дастаи мунтахаби футболи кишварҳои дунёро фаро мегирад.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста