Сомон Маҳмадбеков, варзишгари тоҷики муқими Русия дар Ҷоми Аврупо оид ба дзюдо миёни ҷавонон соҳиби медали тилло гардид. Мусобиқа дар шаҳри Аради Руминия баргузор шуд.
Бино ба иттилои маркази матбуоти Кумитаи миллии олимпии Тоҷикистон, Сомон Маҳмадбеков дар вазни -66 кило дар даври муқаддамотӣ бар Костиатин Ноткин (Украина) ва Александр Габлер (Олмон) ғалаба карда, ба даври дигар роҳхат гирифт. Дар даври нимфинал ва финал 2 варзишгари украинӣ – Каро Марандиан ва Олег Овчаренкоро шикаст дода, унвони қаҳрамониро ба даст овард.
Сомон Маҳмадбеков ягона намояндаи Тоҷикистон дар ин мусобиқа буд. Ҷоми Аврупо оид ба дзюдо миёни ҷавонон бо ширкати 248 варзишгар (156 мард, 92 зан) аз 33 давлат доир гардид. Дар ҳисоби даставӣ варзишгарони кишвари мизбон – Руминия бо 3 медали тилло, 1 нуқра, 10 биринҷӣ сазовори ҷои аввал гардиданд. Мақоми дуюмро Хорватия (2 тилло, 1 нуқра, 2 биринҷӣ) ва ҷои сеюмро Маҷористон (2 тилло, 1 нуқра, 2 биринҷӣ) ишғол карданд. Тоҷикистон бо 1 медали тилло дар ҷои 9-ум қарор гирифт.
Сомон дастпарвари мактаби дзюдои Иркутск (Руссия) буда, таҳти назари мураббиёнаш Эргаш Маҳмадбеков ва Фотеҳ Маҳмадбеков тамрин ва дар мусобиқаҳо Тоҷикистонро намояндагӣ мекунад. Ӯ моҳи апрели соли равон дар Ҷоми Африқо оид ба дзюдо миёни ҷавонон низ ғолиб шуда буд.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста