Рӯзҳои истироҳати ҳафтаи сипаришуда даври 17-уми мусобиқаи Лигаи олии футболи Тоҷикистон баргузор шуд.

Дар бозии марказии давр рӯзи 27 сентябр дастаи “Хуҷанд”-и Хуҷанд дар меҳмонӣ бо ҳисоби 3:2 тими “Хатлон”-и Бохтарро шикаст дод.

Бино ба иттилои маркази матбуоти Федератсияи футболи ҷумҳурӣ, ба ин тариқ, ду давр пеш аз анҷоми мусобиқа дастаи “Хуҷанд” ба дарёфти медалҳои нуқра ноил гардида, ҳамчунин ба иштирок дар мусобиқаи Ҷоми КФО-2021 ҳуқуқ пайдо кард.

Гуфта мешавад, тими “Душанбе-83” дастаи “Локомтив-Помир”-ро бо ҳисоби 1:0 мағлуб карда, ҷойи худро дар Лигаи олӣ нигоҳ дошт.

Дар вохӯрии дигари ин давр КМВА (ССКА) “Истиқлол”-ро бо ҳисоби 1:0 шикаст дод, ки аввалин бохти “Истиқлол” дар ин мавсим аст.

Рӯзи шанбе, 26 сентябр вохӯрӣ байни дастаҳои “Кӯктош” ва “Истаравшан” мусовӣ - 2:2 анҷом ёфта, “Регар-ТадАЗ”-и шаҳри Турсунзода дар майдони худ бо ҳисоби 1:0 дастаи “Файзқанд”-и Восеъро мағлуб намуд.

Қобили зикр аст, ки то анҷоми мусобиқаи 29-уми Лигаи олии футболи Тоҷикистон ду давр боқӣ монд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.