Фурӯши билетҳои сабқатҳои Ҷоми ҷаҳонии футбол 2022, ки соли дигар дар давлати Қатар баргузор мешаванд, оғоз шудааст. Дар ин бораи Сафорати Қатар дар Тоҷикистон дар саҳфаи истогроми худ хабар додааст.

Сафорат бо такя ба Кумитаи олии лоиҳаҳо ва мероси Қатар эълон мекунад, ки аз санаи 21 январи соли 2021 фурӯши билетҳо барои иштирок дар Ҷоми Ҷаҳон “FIFA Qatar 2022” шуруъ шудааст.

Дар нашри ин хабарномаи сафорат гуфта мешавад, ки хоҳишмандон метавонанд барои харидории билет ба сомонаи электронии www.FIFA.COM/Tickets муроҷат кунанд.

Нархи билетҳо мувофиқи 3 категория бо арзиши аз 10 риёли қатарӣ ( тахминан 31. 04 сомонӣ  ) то 300 риёли қатарӣ ( тахминан 931.24 сомонӣ)  ба фурӯш мерасанд.

Ҳамчунин давлати Қатар вобаста ба ҳамагирии бемори коронавируси COVID 19 чанд қоидаи беҳдоштиеро низ барои иштирок дар мусобиқаҳо пешниҳод кардааст.

Бино ба иттилои Сафорат ҳар касе, ки воксини COVID 19 шуда бошад метавонад билет харидорӣ намуда, бо нишон додани шаҳодатнома (сертификат)-и воксин ба Қатар ворид шавад. Ба ташхиси иловагӣ зарурат надорад.

Аммо ҳар касе  баъди санаи 1 октябри 2020 бемории  COVID 19 -ро аз сар гузаронида бошад, метавонад билет гирифта, бо нишон додани ҳуҷҷати тасдиқкунанда, вориди ин кишвар шавад, ки ниёз ба ташхиси иловагӣ надорад.

Ҳар касе, ки  COVID 19 нашуда бошад ва ё пеш аз санаи 1 октябри соли 2020 бемор шуда бошад, метавонад билет харидорӣ намояд, вале барои КОВИД 19, 72 соат пеш аз шурӯъи бозиҳо бояд ташхиси сабук шавад, ки натиҷааш манфӣ бошад.

Кишвари Қатар гуфтааст, ки барои фурӯши билет ва масъалаҳои тиббӣ дар Маркази чорабиниҳои миллии Қатар барои харидории билет ва ташхиси КОВИД 19 аз санаи 29 январ то 11 феврал ташкил карда мешавад, ки ҳамарӯза аз соати 10 то 12 субҳ ғайр аз санаи 11 феврал, ки дар он аз соати 10-и субҳ то 8-шом кор мекунад, фаъол хоҳад буд. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.