Федератсияи ҷаҳонии ҷудо баъди сабқати "Tashkent Grand Slam" ё "Тоскулоҳи бузурги Тошканд", ки рӯзҳои 5-7-уми март баргузор шуд, радабандии нави ҷудокорони ҷаҳонро нашр кард, ки дар садри ҷудокорони Тоҷикистон Сомон Маҳмадбеков бо 2390 имтиёз қарор дорад.
Сомон Маҳмадбеков ҳамчунин аз Тоҷикистон ягона паҳлавонест, ки бо имтиёзи доштааш дар мақоми 17-уми имётиёздорони олимпӣ барои Бозиҳои Токио, дар 20-гонаи ҷудокорони вазни -73 кг қарор дорад.
Аммо Сомон Маҳмадбеков баъди нокомӣ дар ин сабқат мақоми худро дар радабандӣ миёни паҳлавонони Тоҷикистон ду зина аз даст додааст.
Темур Раҳимов дар сабқати "Tashkent Grand Slam" дар вазни 100+ ба мақоми панҷум расид ҷойи худро дар ин радабандӣ як зина болотар карда, бо 2811 имтиёз мақоми дувумро дар миёни ҷудокорони Тоҷикистон дорад.
Темур Раҳимов дар 20-гонаи имтиёздорони олимпӣ дар мақоми 20-ум қарор гирифт.
Мақомҳои сеюму чорумро Комроншоҳ Устопириён ва Беҳрӯз Хоҷазода мутаносибан бо имтиёзҳои 2314 ва 2796 касб кардаанд. Дар ҳамин ҳол Устопириён як зина болотар рафта ва Хоҷазода як зинаро аз даст додааст. Ҳамчунин Комроншоҳ мақоми 24-уми имтиёздорони олимпиро дар вазни - 90 кг аз худ кардааст.
Шакармамад Мирмамадов бо 892 имтиёз, Акмал Муродов бо 849, Саидҷалол Саидов бо 432, Шаҳбоз Саидабуроров бо 366, Ёқубҷон Боқиев 249 ва Муҳаммад Маҳмадизода бо 192 имтиёз мақомҳои баъдии 10-гонаи ҷудокорони тоҷикро дар ин радабандӣ соҳиб шудаанд.
Дар ин радабандӣ Шаҳбоз Саидабуроров, ки дар сабқати Тошканд дар вазни -60 кг ба мақоми панҷум расид, яку якбора 272 зина боло рафтааст.
Дар ин сабқати Тошканд паҳлавонони тоҷик: -60 kg Абумуслим Қаюмзода, Шаҳбоз Саидаброров, -63kg Шоҳида Қаландарова (миёни занон), -66 kg Алиҷон Сафаралиев, Баҳром Суфиев, -73kg Сомон Маҳмадбеков, -81kg Акмал Муродов, Ҳақназар Назаров, -90kg Амирҷони Насимҷон, Комроншоҳ Устопириён, -100kg Саидҷалол Саидов, Мансур Раҳмон ва +100kg Темур Раҳимов Шакармамад Мирмамадов ширкат карданд.
Қаюмзода, Шоҳида Қаландарова, Алиҷон Сафаралиев,Баҳром Суфиев, Акмал Муродов, Амирҷони Насимҷон, Саидҷалол Саидов, Мансур Раҳмон ва Шакармамад Мирмамадов дар давраҳои муқаддамотӣ шикаст хӯрданд.
Сомон Маҳмадбеков, ки дар давраи аввал озод буд дар даври дувум шикаст хӯрд. Ҳақназар Назаров паҳлавони вазни -81 кг тоҷик бар ду ҳарифаш пирӯз шуд ва дар даври сеюм шикаст хӯрд. Комроншоҳ Устопириён дар даври аввал озод буд, ки дар даври дувум пирӯзӣ ба даст оварду дар даври дигар мағлуб гардид.
Натиҷаҳои аз ҳама хубро дар ин сабқат Шаҳбоз Саидабуроров (-60 кг) ва Темур Раҳимов (100+) ба даст оварданд, ки ҳар ду ба мақоми панҷуми ин сабқат расиданд.
Гуфта мешавад, дар ин сабқат 541 варзишгар аз 75 давлати дунё ширкат карданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста