Алиризо Баҳромов, варзишгари тоҷик дар рӯзи ниҳоии Чемпионати Осиё оид ба гуштин миёни наврасони то 15-сола медали нуқра ба даст овард.
Бино ба иттилои Кумитаи миллии олимпии ҷумҳурӣ, Алиризо дар вазни -68 кг-и гуштини тарзи озод дар ду давр бар варзишгарони Қирғизистон ва Қазоқистон ва дар нимфинал бар варзишгари Ҳиндустон ғалаба ба даст оварда, ба даври финалӣ баромад.
Номбурда дар финал аз варзишгари Эрон Ризо Алиакбар Афшор мағлуб гардида, сазовори медали нуқра шуд.
Ҳамзамон дар мусобиқаи мазкур варзишгар Идрис Баҳромов, бародари Алиризо дар вазни -48кг қувваозмоӣ намуд, вале аз медал бенасиб монд.
Ёдрас мекунем, ки дар рӯзи аввали Чемпионат варзишгарони тоҷик ду медал – 1 нуқра ва 1 биринҷӣ ба даст оварданд. Медали нуқраро Исоҷон Нураҳмадов дар вазни -68кг ва медали биринҷиро Муҳаммад Абдуҳакимзода дар вазни -62кг ба даст оварданд.
Бояд гуфт, ки Чемпионати Осиё оид ба гуштин миёни наврасон (U15) ва ҷавонон (U20) дар шаҳри Манамаи Баҳрайн то 10 июл идома меёбад.
Ҳамзамон қувваозмоиҳо миёни наврасон ба анҷом расида, аз имрӯз, 5 июл то 10 июл қувваозмоиҳо миёни ҷавонон баргузор мешавад.
Дар ин синну сол Тоҷикистонро се варзишгар – Фирӯз Мирзораҷабов (-60кг), Шероз Очилов (-72кг) дар гуштини юнонӣ-римӣ ва Саидасан Ашрафхонов (-74) дар гуштини озод намояндагӣ мекунанд.
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Кулли ахбор
Авторизуйтесь, пожалуйста