Панҷ ҷудокори тоҷик дар мусобиқаи “Gran Slam” дар Анталияи Туркия, ки аз 31 март то 2 апрел баргузор мешавад, ширкат хоҳанд кард. Дар ин баробар, 8 ҷудокори дигари тоҷик барои рақобат дар мусобиқаи Лигаи минтақавии ҷудо ба шаҳри Маскави Русия мераванд. Дар ин бора хабаргузории “Ховар” бо истинод ба Федератсияи ҷудои Тоҷикистон хабар медиҳад.
Ба иттилои манбаъ, барои ширкат дар ин мусобиқаи байналмилалӣ 617 варзишгар (357 мард, 260 зан) аз 85 кишвари ҷаҳон сабти ном шудаанд.
Федератсияи дзюдои Тоҷикистон 5 варзишгарро ба Анталияи Туркия мефиристад:
-60кг - Муҳаммадсолеҳ Қувватов
-66кг - Обид Ҷебов
-73кг - Беҳрӯз Хоҷазода
-81 кг - Шодмон Ризоев
-90кг - Ҷаҳонгир Маҷидов
Гуфта мешавад, ки мусобиқот аз рӯи анъана дар 7 вазн миёни мардон ва 7 вазн миёни занон баргузор мешаванд.
Ғолибону ҷоизадорон дар баробари медал бо ҷоизапулӣ қадрдонӣ мешаванд: ғолибон дар ҳамаи вазнҳо 5000 евро, барандагони медали нуқра 3000 евро ва барандагони медали биринҷӣ 1500 евро.
Дар ин баробар, Федератсияи ҷудои Тоҷикистон мунтахаби Клуби ҷудои “Ҳоҷӣ Шариф”-ро барои иштирок дар Лигаи минтақавии ҷудо ба шаҳри Маскави Русия сафарбар менамояд.
Лигаи минтақавии ҷудо дар се марҳила баргузор хоҳад шуд. Мусобиқаи аввал 8 апрел дар маҷмааи КМВА-и Москва доир мегардад. Марҳилаи дуюм дар ҳамин маҷмаа 6-уми май, марҳилаи сеюм 8-уми июл ба нақша гирифта шудааст.
Ба ҳайати тими Клуби “Ҳоҷӣ Шариф” 8 варзишгар шомил гардидаанд:
-66кг – Фирӯз Мелибойзода / Обид Ҷебов
-73кг – Мирзоҷамил Рамазонов / Муҳаммадшариф Наҷмиддинов
-81кг – Курбан Кудиев
-90кг – Мирзо Шукориев / Акмал Муродов
+90кг – Шакармамад Мирмамадов
Бояд гуфт, дар марҳилаи аввали мусобиқа 24 клуб ширкат мекунанд, ки 8 клубро давлатҳои Қазоқистон, Ҳиндустон, Белорус, Тоҷикистон, Эрон, Сербия намояндагӣ хоҳанд кард.
Дар марҳилаи аввал дастаҳо ба чор гурӯҳ тақсим мешаванд. Аз ҳар гурӯҳ се дастаи беҳтарин ба даври дуюм роҳхат мегиранд. Дар даври дуюм ғолибони чемпионати Русия миёни клубҳо ҳамроҳ мешаванд: “Явара-Нева”, “Ахмат”, “Локомотив” (Налчик), “Урал — Западная Сибир”.
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Кулли ахбор
Авторизуйтесь, пожалуйста