Ҳамагӣ чанд рӯз қабл Лоиқ Раҷабов, размгари шинохта ва номдори тоҷик дар ташкилоти UFC муҳорибаи сеюми худро гузаронид. Ин маротиба ӯ бо Карим Ал-Селвади муҳориба кард. Лоиқ Раҷабов рақиби худро дар раунди сеюм бо як зарбаи дасти рост ба накаут фиристод.

“Тонки тоҷик” ҳамчунин яке аз варзишгаронест, ки ҳаводорони зиёди худро дорад.

Ӯ корномаи касбии худро аз соли 2012 шурӯъ карда, дар ташкилотҳои бонуфузе чун PFL, UFC ва дигарҳо ҳунарнамоӣ намудааст.

Бояд ёдовар шуд, ки Лоиқ Раҷабов дар ташкилоти PFL ду маротиба барои ба даст овардани камарбанди қаҳрамонӣ ва мукофоти пулӣ дар ҳаҷми 1 млн доллар мубориза бурд, аммо мутассифона, дар ҳарду ҳолат шикаст хӯрд.

Ӯ аз соли 2022 инҷониб дар ташкилоти UFC баромад мекунад. То имрӯз ӯ дар ин ташкилот се муҳориба гузаронида, 2 ғалаба ва як мағлубият дорад. Ягона шикасти ӯ дар ин ташкилот аз варзишгари полшагӣ Матеуш Ребетский буд.

Дар умум дар корномаи ҳирфаии худ ӯ 23 муҳориба гузаронида 18 ғалаба 5 бохт ва 1 мусовӣ дорад.

Мо Лоиқ Раҷабовро ба барномаи “Varzish +” даъват кардем. Ӯ дар барнома перомуни даврони кӯдакӣ, ҳаёти шахсӣ, корномаи касбӣ ва дигар паҳлӯҳои муҳими ҳаёташ қисса кард.

Дар Telegram, Facebook ва Instagram бо мо бимонед.