Душанбе. 29-уми август. ОИ «Азия-Плюс» - Имрӯз зимни боздиди расмии президенти Русия Дмитрий Медведев аз Тоҷикистон шаш санад ба имзо мерасад.
Мувофиқи барнома, боздиди расмӣ аз маросими гулчанбаргузорӣ зери пояи асосгузори нахустин давлати тоҷикон шоҳ Исмоили Сомонӣ оғоз гардида, сипас дар «Кохи Миллат» идома меёбад.
Сарони кишварҳои Тоҷикистону Русия нахуст дар шакли «як ба як» мулоқот намуда, сипас гуфтушунидҳои васеи ҳайъатҳои расмии ду кишвар баргузор мешавад.
Роҳбари Департаменти иттилооти Вазорати умури хориҷии Тоҷикистон Давлат Назриев ба ОИ «Азия-Плюс» хабар дод, ки аз рӯи натиҷаҳои гуфтушунид шаш санад ба имзо хоҳад расид. Сарони кишварҳо ҳамчунин зери Изҳороти муштарак низ имзо хоҳанд гузошт.
Ғайр аз ин, ҳамчунин як қатор созишномаҳои байниҳукуматӣ, аз ҷумла Созишнома оид ба ҳифзи муштараки натиҷаҳои фаъолияти зеҳнии бадастомада зимни ҳамкориҳои техникиву низомӣ ва истифодаи он, Созишномаи вазоратҳои фарҳанги Тоҷикистону Русия оид ба ҳамкориҳои фарҳангӣ, Созишномаи ҳамкории вазоратҳои кишоварзии кишварҳо, Созишномаи байниҳукуматии Тоҷикистону Русия оид ба таъсис ва роҳандозии фаъолияти Маркази таҳқиқотии «Помир-Чақалтай» низ ба имзо хоҳанд расид.
Тибқи барномаи сафари президенти Русия
боздиди ӯ аз пойгоҳи низомии 201-уми Вазорати дифои Русия, ки дар Ҷумҳурии Тоҷикистон ҷойгир аст, сурат мегирад.
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Шӯрои уламо: “Ба суханони уламои кишвар амал кунед”
Наздикони ду гумонбари ҳамла ба "Крокус Сити Ҳолл"-и Маскав дар Тоҷикистон аллакай бозпурсӣ шудаанд
“Виза” ҷорӣ шавад”. Баъди ҳамла ба “Крокус Сити Ҳолл” вакилони Русия хостори ҷорӣ кардани раводид бо Тоҷикистон шуданд
Кулли ахбор
Авторизуйтесь, пожалуйста