Душанбе. 19-уми ноябр. ОИ «Азия-Плюс» - Чанде қабл дар мулоқоти вазири кишоварзии Тоҷикистон Қосим Қосимов бо сафири Олмон дар ҷумҳурӣ Дорис Хертрампф масъалаи дурнамои рушди ҳамкории кишварҳо дар бахши кишоварзӣ мавриди баррасӣ қарор гирифт.
Тавре аз хадамоти матбуоти Вазорати кишоварзии ҷумҳурӣ ба ОИ «Азия-Плюс» хабар доданд, Қ.Қосимов дастовардҳои кишвари Олмонро дар рушди соҳаи кишоварзӣ, аз ҷумла содироти техникаву таҷҳизот, мавод ва фановариҳои замонавӣ барои бахши кишоварзӣ, атоматикунонии равандҳои технологӣ дар чорводорӣ, паррандапарварӣ ва таҷдиди умумии соҳаи кишоварзӣ баланд арзёбӣ намуд.
Вазири кишоварзии ҷумҳурӣ ба сафири Олмон барои тайёр кардану бозомӯзии мутахассисони соҳаи кишоварзии ҷумҳурӣ ва дастгирии молиявии Олмон изҳори миннатдорӣ намуд. Дар навбати худ, сафири Олмон таҳкими ҳамокриҳоро миёни Донишгоҳи аграрии Тоҷикистон ва Макатаби олии Вайенштефан ва созмони «Инвент», ки фаъолияташон ба соҳаи кишоварзӣ марбут аст, таъкид сохт.
Сафири Олмон изҳори боварӣ кард, ки ба таҳкиму густариши ҳамкориҳо Барномаи чанде қабл ба имзо расидаи кӯмаки Олмон ба Тоҷикистон ба маблағи 36 млн. Евро мусоидат хоҳад кард. Ҷонибҳо инчунин ба масъалаи беҳбуди низоми обёрикунии Тоҷикистон, ки 60 фоизаш тавассути механикӣ кор мекунанд, таваҷҷӯҳ зоҳир сохтанд.
Дар анҷоми мулоқот Д.Хертрампф изҳори умеду боварӣ кард, ки бахши кишоварзии Тоҷикистон моҳи феврали соли оянда дар Ярмаркаи ҷаҳонии маҳсулоти кишоварзии «Олами сабз» дар Олмон фаъолона ширкат хоҳад варзид. «Мо минбаъд низ амалисозии лоиҳаҳои пурсамару умедбахши бахши кишоварзии Тоҷикистонро дастгирӣ хоҳем кард», - афзуд ӯ.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста