Душанбе. 21-уми ноябр. ОИ «Азия-Плюс» - Раиси Кумитаи палатаи поёнии парлумони ҷумҳурӣ оид ба энергетика, саноат, сохтмон ва коммуникатсия Мирзошариф Исломиддинов дар шарҳи изҳороти имконияти барқароркунии мақоми рубли Русия дар қаламрави пасошӯравӣ чунин ибрози назар намуд, ки имкони истифодаи он дар қаламрави Иттиҳоди Давлатҳои Мустақил чун асъори муомилотӣ миёни кишварҳо иқдоми воқеӣ аст, вале ба иллати ҷой доштани монеъаҳои субъективӣ амалисозии он ҳанӯз барвақт мебошад.
Ба гуфтаи ӯ, «ташкили минтақаи гардиши рубл заруру имконпазир асту кор чунин сурат гирифта истодааст, вале он танҳо дар назар осон менамояд». «Ба ташкили «минтақаи гардиши рубл» сатҳи гуногуни рушди иқтисоди кишварҳои ИДМ монеъа эҷод мекунад ва кишварҳои дорои иқтисоди пуриқтидор, дар навбати аввал Русия бояд ба бартараф сохтани ин монеъа мусоидат намоянд», - гуфт ӯ.
Ба ақидаи М.Исломиддинов, ниҳодҳои молиявии кишварҳои иттиҳод бояд доир ба роҳҳои имконпазир ва тарзи амал дар ин самт миёни худ гуфтушунид кунанд. «Алҳол танҳо ақидаҳо мавҷуданд, вале нақшаи татбиқи чунин лоиҳа вуҷуд надорад», - афзуд ӯ.
М.Исломиддинов бар ин назар аст, ки мусоидати як қатор омилҳо ба ташкили асъори ягонае чун Евро ҳатмист. «Қабл аз ҳама, иродаи сиёсии сарони кишварҳои дорои иқтисоди пуриқтидор, сипас гуфтушуниди иқтисодчиён ва амалисозии чораҳои омодагӣ ва ба эътибор гирифтани оқибатҳои он лозим аст», - таъкид сохт ӯ.
Намояндаи мардумӣ афзуд, ки татбиқи муваффақонаи нақшаи ташкили «минтақаи гардиши рубл» ба рушди иқтисоди кишварҳои камбағал чун Тоҷикистон таъсири мусбат хоҳад расонд, албатта, дар сурате, ки агар онҳо дар ин иқдом шарик бошанд.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста