Сарвари Агентии авиатсияи граждании назди Ҳукумати ҶТ Икром Субҳонзода бо ирсоли барқияи фаврӣ ба ҳамаи ширкатҳои ҳавопаймоии маҳаллӣ ва хориҷӣ дастур додааст, ки аз 20-уми марти соли 2020 парвозҳо ба Тоҷикистон муваққатан манъ карда шавад.
Нусхаи ин барқияи фаврӣ дар ихтиёри “Азия-Плюс” ҳаст. Дар он чунин навишта шудааст: “Бо мақсади пешгирии эҳтимолияти паҳншавии бемории коронавирус ва таъмини амнияти шаҳрвандони Ҷумҳурии Тоҷикистон дастур дода мешавад, ки иҷроиши парвозҳое, ки ба Ҷумҳурии Тоҷикистон амалӣ карда мешуд, аз 20 марти соли 2020 муваққатан манъ карда шавад”.
Азиз Набизода, муовини сарвари Агентии авиатсияи граждании назди Ҳукумати ҶТ ба “Азия-Плюс” тасдиқ кард, ки чунин барқияи фаврӣ ба ширкатҳои ҳавопаймоӣ фиристода шудааст, аммо шарҳи бештар надод.
Ин маълумотро ба “Азия-Плюс” ҳамчунин дар 2 ширкати ҳавопаймоии хориҷие, ки ба самти Тоҷикистон парвозҳоро анҷом медиҳанд, тасдиқ карданд.
Агентии авиатсияи гражданӣ ҳанӯз шарҳ надодааст, вазъи мусофирони хатсайрҳое, ки бояд ба Душанбе ё Хуҷанд меомаданд ё аз фурудгоҳҳои ин ду шаҳр парвоз мекарданд, чӣ хоҳад шуд.
Вазорати корҳои хориҷии Тоҷикистон дирӯз дар робита ба ҳамагирии коронавируси нав хабар дод, ки ҳамватанони дар хориҷи кишвар қарордошта метавонанд дар ҳолати зарурат ба намояндагиҳои дипломатӣ ва муассисаҳои консулӣ муроҷиат кунанд. Маълумот дар бораи намояндагиҳои Тоҷикистон дар хориҷаро аз ин пайванд метавон дарёфт кард – https://mfa.tj/
Тибқи иттилои Вазорати тандурустӣ ва ҳифзи иҷтимоии аҳолии ҶТ, то имрӯз, 19-уми март дар Тоҷикистон ягон ҳолати сирояти коронавирус ба қайд гирифта нашудааст.
Аз 1-уми феврал то 18-уми марти соли равон 1890 нафар шаҳрвандоне, ки аз Ҷумҳурии Мардумии Чин, Кореяи Ҷанубӣ, Ҷопон, Италия, Эрон ва Афғонистон ба Тоҷикистон ворид шуданд, ба карантин фаро гирифта шудаанд. Аз ин шумора то имрӯз 1426 нафари онҳо ба хонаҳояшон рухсат дода шуда, айни ҳол 464 нафарашон дар беморхонаҳои сироятии мамлакат ба карантин фаро гирифта шудаанд. Ҳамзамон шаҳрвандоне, ки аз кишварҳои Фаронса, Испания, Шветсия, Швейтсария, Бритониёи Кабир, Норвегия, Нидерландия, Олмон, Белгия, Дания ва Иёлоти Муттаҳидаи Амрико бевосита ва ё тавассути кишварҳои дигар ба қаламрави Тоҷикистон ворид мегарданд, ба карантин фаро гирифта мешаванд. Муддати ба карантин фаро гирифтани шаҳрвандони аз кишварҳои номбурда ба Тоҷикистон воридшуда 14 рӯз хоҳад буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста