Масъулони ҳифзи муҳити зисти вилояти Суғд аз он нигаронанд, ки шумори мурғи тазарви сирдарёӣ, ки қаблан дар ҷазираҳои дарёи Сир сершумор буд, ҳоло ба нестӣ рафтааст. Ин дар ҳолест, ки чанд даҳсола пеш чунин намуди мурғ дар ин ҷазираҳо сершумор буд ва лонаву тухм мегузошт.
Хуршед Саидов, масъули Раёсати ҳифзи муҳити зист дар вилояти Суғд зимни сӯҳбат бо “Азия-Плюс” аз он таассуф хӯрд, ки солҳои ахир ҷазираҳои соҳили дарёи Сир серодам шуд ва ин боис ба ҷойивазкуниву нобуд гардидани тазарви Сирдарёӣ гардид. Омили дигари нобудшавии чунин мурғ шикори ғайриқонунӣ дониста мешавад.
Мурғи тазарв ба китоби сурхи Тоҷикистон ворид шудааст ва ҳамакнун тӯли ду соли ахир Раёсати ҳифзи муҳити зист дар Суғд талош дорад теъдоди ин мурғро зиёд кунад.
Мақомот соле қабл бо харҷи беш аз 3 миллион сомонӣ дар масоҳати 5 гектар замин дар мавзеи Сартӯқайи ноҳияи Бобоҷон Ғафуров Маҷмааи сайёҳӣ-истироҳатии ҷазираи “Темурмалик”-ро ба истифода дод. Ҷазира барои ҳифзу зиёд намудани мурғи тазарв пешбинӣ шудааст ва дар оғоз 130 навъи тазарви зарафшониро барои парвариш ба ин ҷой оварда буданд, ки дамоми як сол то ба 300 сар зиёд шудааст.
Бино ба гуфти Хуршед Саидов чанд рӯз пештар Раёсати ҳифзи муҳити зист боз 65 тазарви зоти сирдарёиро харидориву барои парвариш ба ин ҷой овард. “Мо талош карда истодам, ки дар ҷазираи Темурмалик шумори навъҳои тазарвро зиёд кунем то ба табиати вилоят мутобиқ гарданд. Ҳоло таваҷҷӯҳи бештар ба зиёд намудани мурғи тазарви сирдарёӣ аст, ки дар баробари тазарви зарафшонӣ мехоҳем ин зотро низ аз нестшавӣ эмин дорем”.
Ҷазираи Темурмалик ба Раёсати ҳифзи муҳити зисти Суғд марбут аст, ки ба ҷузъ чанд навъи мурғи тазарв дигар парандаву ҳайвонот дар ин ҷой парвариш намеёбад. Аммо масъулин мегӯяд, ин ҷазира ҳамчун макони сайёҳиву истироҳатӣ пешбинӣ шудааст ва аз ин рӯ тасмим гирифтаанд барои ҷалби бештари дӯстдорон навъҳои дигари ҳайвоноту парандаҳоро зиёд намоянд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста