Ба Русия омадани муҳоҷирон ҳатто дар пасманзари қисман сафарбарсозии ҳайтаи захираҳои ҳарбӣ ба артиш дар Русия тағйир наёфт, изҳор доштааст ба “Известия” роҳбари Маркази таҳқиқоти таҳлилӣ ва амалии равандаҳои муҳоҷират Вячеслав Поставнин.
Дар ҳамин ҳол, ба гуфтаи вай, шаҳрвандони хориҷиии муқими Русия бо доштани Иҷозаи зисти муваққатӣ (РВП) ё Ҳуҷҷати иҷозаи зист (ВНЖ) қаноат карда, ҷараёни гирифтани шиносномаро ба вақти дигар мегузоранд.
“Мисли пешина шаҳрвандони Ӯзбекистон, Тоҷикистон, Қирғизистон дар Русия кору зиндагӣ кардан мехоҳанд. Инчунин шаҳрвандони Озарбойҷону Арманистон ва Украинаву Молдова низ. Зеро дар ин ҷойҳо бахусус дар Тоҷикистон ва Ӯзбекистон ҷойҳои корӣ зиёд нашуда, рӯзгорашон ҳам беҳбудӣ наёфтааст. Дар Русия бошад, шуғлу сатҳи баланди маош боқӣ монд”, - иброз доштааст ӯ.
Ба ақидаи Поставнин, дар робита ба маъракаи қисман сафарбарӣ ба амалиёти низомии махсус танҳо рафтори касоне, ки мехостанд шаҳрвандии Русияро ба даст оранд, тағйир ёфтааст.
“Пеш аз ҳама, сухан дар бораи шаҳрвандони он кишварҳое меравад, ки раҳбарияти онҳо иштироки шаҳрвандони худро дар амалиёти ҷангӣ дар қаламрави Украина, ҳатто то ба ҷавобгарии ҷиноӣ кашидан барои ин кор манъ кард. Бахусус, ин ба шаҳрвандони Тоҷикистон дахл дорад”, - гуфтааст коршинос.
Номбурда зикр кардааст, ки чунин тамоиле вуҷуд дорад, ки хориҷиён ҷараёни гирифтани шиносномаро мутаваққиф карда, бо доштани Иҷозаи зисти муваққатӣ (РВП) ё Ҳуҷҷати иҷозаи зист (ВНЖ) қаноат мекунанд.
“Бо ин ҳуҷҷатҳо кору зиндагӣ кардан мумкин аст. Занони хориҷӣ, ки ба маъракаи қисман сафарбарӣ ба артиш ҷалб намешаванд, мисли пешин ба корашон ва гирифтани шиносномаи Русия идома медиҳанд”, - илова намудааст Вячеслав Поставнин.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста