Душанбе. 27-уми май. «Азия-Плюс» — | Иҷрокунандаи вазифаи директор-фармоишгари Хазинаи байнулмилаии асъор Ҷон Липски дар робита ба қазияи роҳбари ХБА Стросс-Кан, ки ба ҷиноёти дорои хусусияти шаҳвонидошта аз ҷониби додситонӣ муттаҳам карда шуда, таҳти гарав озод шудааст, изҳор дошт, ки ХБА сарфи назар аз иваз шудани роҳбар, ба иҷрои вазифаву ӯҳдадориҳои худ ба таври муқаррарӣ идома хоҳад дод.
Ҷаноби Липски гуфтааст, ба иҷрои саривақтӣ, амалӣ, пурсамар ва фаврии вазифаҳои дар назди хазина гузошташуда ҳеҷ шубҳае надорад.
Дар иттилоияи интишоргардида дар сомонаи расмии хазина гуфта мешавад, ки ХБА ба таҳияи барномае машғул аст, ки дар он ба масоили рушди иқтисодӣ, суботи молиявӣ ва низоми байнулмилалии асъор таваҷҷӯҳи хосса зоҳир карда мешавад.
Дар иттилоия зикр мегардад, ки ХБА кӯшишҳои худро ба се самти афзалиятнок – рушди иқтисод дар баробари таҳкими суботи иқтисодӣ ва молиявӣ, тақвияти низоми байнулмилалии асъор ва мутобиқгардонии дастгирии худ ба кишварҳои узви даромадашон паст мутамарказ хоҳад намуд.
Дар ҳамин ҳол, ХБА умедвор аст, ки директор-фармоишгари навро то ахири моҳи июн интихоб хоҳад кард ва айни замон пешниҳодоти кишварҳои узв оид ба номзадҳои роҳбари хазина мавриди баррасӣ қарор доранд.
Зикр мегардад, ки Шӯрои ХБА тартиби таъини роҳбари нави хазинаро, ки баргузории онро «ба таври кушод, шаффоф ва назардошти саҳми номзадҳо» пешбинӣ менамояд, якдилона ҷонибдорӣ кардааст.
Расонаҳои хабарии Русия менависанд, ба курсии роҳбари ХБА раиси Бонки миллии Қазоқистон Григорий Марченко довталабӣ дорад, ки номзадии ӯро кишварҳои узуи ИДМ дастгирӣ карданианд. Номзадҳои худро ҳамчунин Мексика, Туркия, Ҳиндустон, Ҷумҳурии Африқои Ҷанубӣ, Бразилия ва Чин низ пешниҳод кардаанд.
Ёдрас мекунем, ки собиқ роҳбари ХБА, коршиноси бахши молия ва сиёсатмадор Стросс-Канро рӯзи 14-уми май дар шаҳри Ню-Йорк бар асоси аризаи пешхизмати меҳмонхона ба гумони даст доштан дар содир намудани ҷинояти дорои хусусияти зӯровариву шаҳвонӣ боздошт намуданд. Додситонӣ ба Стросс-Кан тибқи шаш банд айбдорӣ пешниҳод намуд, ки панҷтои он ба ҷиноёти хусусияти шаҳвонӣ ва яктоаш ба ғайриқонунӣ аз озодӣ маҳрум кардан мансуб аст. аст. Дар ҳуҷҷатҳо банди асосии айбнома – «амалҳои зӯроваронаи дорои хусусияти шаҳвонӣ» махсус зикр гардидааст, ки тибқи он ҷазои аз панҷ то 25 соли зиндон пешбинӣ шудааст. Бино ба маълумоти ВАО, дар асноди додгоҳӣ гуфта мешавад, ки Стросс-Кан метавонад ба 74 солу 3 моҳи зиндон маҳкум гардад.
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
Кулли ахбор
Авторизуйтесь, пожалуйста