Ширкати алюминии тоҷик (ТАЛКО) ва корхонаҳои фаръии он бо ширкатҳои Ӯзбекистон ба маблағи умумии наздики 460 млн. доллар 5 қарордод ба имзо расонид.
Тавре ба «Азия-Плюс» як манбаъ аз ҳукумати Тоҷикистон дар ин робита хабар дод, аз ҷумла байни ТАЛКО ва ҶС «Узбекнефтегаз» дар бораи маблағгузории ба кор даровардани 200 адад электролизер дар ширкати тоҷикистонӣ Ёддошти тафоҳум ба имзо расидааст.
Маблағи умумии қарордоди мазкур, ки амалисозиаш давоми солҳои 2018-2020 ба нақша гирифта шудааст, 320 млн. доллар арзёбӣ мешавад.
Ғайр аз ин, ТАЛКО бо ширкати «KRANTAS GROUP»-и Ӯзбекистон Созишномаи қолабии ҳамкорӣ ба имзо расонид, ки дар он таъсиси корхонаи муштарак оид ба истеҳсоли техникаи махсуси авотомобилӣ ва сохтмон пешбинӣ шудааст.
Барои таъсиси ин корхонаи муштараки Тоҷикистону Ӯзбекистон 3,5 млн. доллар маблағ зарур буда, анҷоми сохтмони он то соли 2020 дар назар аст.
Ҳамчунин миёни ТАЛКО ва ширкати ӯзбекистонии «Техно Кабел Групп» дар бораи интиқоли сими алюминӣ (катанка) ба Ӯзбекистон ба маблағи умумии 75 млн. доллар Ёддошти тафоҳум ба имзо расида, амалисозии он давоми солҳои 2018-2020 ба нақша гирифта шудааст.
Илова бар ин ширкати «Талко Менеҷмент Лтд» ва ширкати ӯзбекистонии «Блу Белл Глобал Венчер» доир ба таҳвили коагулянт, ангишт ва флюорит ба Ӯзбекистон дар муддати се сол ба маблағи 52,5 млн. доллар Ёддошти тафоҳум ба имзо расониданд.
Ширкати дигари фаръии ТАЛКО - «Ноқили ТАЛКО» ва ширкати ӯзбекистонии «Техно Кабел Групп» дар бораи интиқоли мис, фурӯши сим ва ноқилҳои алюминӣ ба Ӯзбекистон Ёддошти тафоҳум ба имзо расонида, маблағи умумии ин санад, ки амалисозиаш тӯли солҳои 2018-2020 пешбинӣ шудааст, 9 млн. долларро ташкил медиҳад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста