Ширкати ҳавопаймоии тоҷикистонии “Сомон Эйр” ба анҷоми парвозҳо аз Душанбе ба фурудгоҳи Жуковскии вилояти Маскав шурӯъ намуд. Парвоз бо хатсайри Душанбе – Жуковский – Душанбе ҳафтае се маротиба таъин шудааст.
Бино ба маълумоти дафтари матбуоти фурудгоҳи Жуковский парвозҳои ширкати “Сомон Эйр” рӯзҳои сешанбе, панҷшанбе ва якшанбе анҷом дода мешавад.
Ғайр аз ин, рӯзҳои душанбе, ҷумъа ва шанбеи ҳафта парвозҳои ҳавопаймоҳои “Сомон Эйр”ҳамчунин бо хатсайри Кӯлоб – Жуковский низ сурат мегиранд.
То кунун парвозҳо аз Душанбе ба Жуковский танҳо аз ҷониби ширкатҳои ҳавопаймоии русиягӣ – “Уральские авиалинии” ва “Ют-Эйр” ба иҷро расонида мешуданд.
Баҳори ҳамин сол бинобар сабаби иҷозатнома дастрас карда натавонистани ширкатҳои ҳавопаймоии тоҷикистонӣ ҷиҳати парвоз ба фурудгоҳи Жуковский, байни мақомоти авиатсионии Тоҷикистону Русия ихтилофҳо ба вуҷуд омада, ба иҷрои парвозҳо дар чанде аз хатсайрҳо аз ҳарду ҷониб маҳдудиятҳо ҷорӣ шуданд.
Пас аз гуфтушунидҳои тӯлонӣ ҷонибҳо ба созиш расида, аввали моҳи апрел ҳамаи маҳдудиятҳои ҷоришуда ба алоқаи ҳавоӣ байни шаҳрҳои Россия ва Тоҷикистон бекор шуданд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста