Ҳукумати Тоҷикистон ният дорад, ки давоми се соли наздик дар доираи Барномаи давлатии қарзҳои беруна наздики 777 млн. доллар маблағ ҷалб намояд. Ҳамин тариқ, соли 2019 ҷалби 261,8 млн., соли 2020 – 255,9 млн. ва соли 2021 – 258,6 млн. доллар маблағ дар назар аст.
Барномаи давлатии қарзҳои хориҷӣ айни замон аз 75 лоиҳаи амалкунандаи қарзӣ ва 67 созишномаи қарзии дар марҳилаи лоиҳакашӣ қарордошта иборат аст.
Арзиши умумии қарзҳои азхудшуда тибқи Барномаи мазкур то санаи 1 январи ҳамин сол 990 млн. долларро ташкил медиҳад.
Давоми соли равон азхудкунии воситаҳо дар доираи ин Барнома дар ҳаҷми 121,4 млн. доллар пешбинӣ шудааст.
Қарзҳо барои анҷоми лоиҳаҳое, ки дар кишвар мавриди амалишавӣ қарор доранд, ҷалб мешаванд. Қарзгир ҳукумат буда, лекин онро субъектҳои хоҷагидори кишвар бармегардонанд.
Ба сифати маблағгузорони асосӣ ба Барнома давоми се соли наздик Бонки аврупоии таҷдиду рушд, Бонки ҷаҳонӣ, Бонки исломии рушд ва Бонки осиёгии рушд баррасӣ мешаванд.
Ҳукумат аз иштироки Бонки аврупоии таҷдиду рушд дар маблағгузории 17 лоиҳа дар ҳаҷми умумии наздики 177 млн. доллар интизорӣ дорад.
Бонки аврупоии таҷдиду рушд пешниҳоди қариб 75 млн. доллар барои амалисозии 24 лоиҳаро баррасӣ дорад.
Бонки ҷаҳонӣ ҷудо кардани беш аз 135 млн. ва Бонки осиёгии рушд – зиёда аз 70 млн. доллар маблағро дар нақша доранд.
Ҳамчунин аз маблағгузории лоиҳаҳои сармоягузорӣ аз ҷониби Фонди Саудии рушд, Фонди Кувейтии рушд, Бонки содиротӣ ва воридотии Чин, Бонки аврупоии сармоягузорӣ ва дигар кишварҳову созмонҳои мададрасон низ интизорӣ меравад.
Дар доираи амалисозии ин Барнома даволми солҳои сипаришуда Тоҷикистон аз ҳама бештар аз Бонки содиротӣ ва воридотии Чин – беш аз 237 млн., Бонки аврупоии таҷдиду рушд – зиёда аз 85 млн. ва Бонки исломии рушд – наздики 73 млн. доллар маблағ гирифтааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста