Ҳукуматдоргони Туркманистон ба тарки мошинҳои боркаши дорои маҳсулоти таъиншуда ё содиротшаванда ба Тоҷикистон аз қаламрави ин кишвар иҷоза доданд, хабар доданд ба “Азия-Плюс” аз Вазорати нақлиёти Тоҷикистон.

Бино ба маълумоти ин ниҳод, ҳамаи 12 мошини боркаши Тоҷикистон, ки аз аввали моҳ он ҷо дармонда буданд, қаламрави ин кишварро тарк кардаанд.

Дар Вазорати нақлиёт қайд карданд, ки дар ҳамин ҳол, ба вуруди автомашинаҳо ба қаламрави Туркманистон бо борҳо барои Тоҷикистон алҳол иҷоза нест. То 50 автомашинаи боркаш то ҳол дар сарҳади ин кишвар қарор доранд.

Ҳамчунин ҳукуматдорони Туркманистон гузаштани вагонҳои қатораро бо маҳсулот барои Тоҷикистон манъ кардаанд.

Аз КВД “Роҳи оҳани Тоҷикистон ба “Азия-Плюс” дар ин робита хабар доданд, ки дар истгоҳҳои гуногуни ин кишвар беш аз 100 вагони маҳсулоти Тоҷикистон интизори иҷозаи гузаштан мебошанд.

Бино ба иттилои манбаъ, дар вагонҳо маҳсулоти нафтӣ, маҳсулоти хӯрокворӣ, кишоварзӣ, масолеҳи сохтмон, техника ва таҷҳизоти гуногун мавҷуд аст.

Дар Вазорати нақлиёт зикр карданд, ки алҳол муайян кардани сабаби манъи транзии борҳои Тоҷикистон муяссар нагардида, барои ҳалли ин мушкилот созмонҳои байнулмлалӣ ҷалб шудаанд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.