Қисмати даромади буҷети давлатии Тоҷикистон дар соли 2020 дар ҳаҷми наздики 26,2 млрд. сомонӣ пешбинӣ шудааст, гуфта мешавад дар дурнамои Вазорати молияи ҷумҳурӣ. Нисбат ба ҳаҷми соли равон ин нишондиҳанда 10,5% ё худ 2,5 млрд. сомонӣ зиёдтар аст.
Аз ҷумла ба даст овардани беш аз 19,3 млрд. аз ҳисоби даромадҳои ҷорӣ, зиёда аз 1,6 млрд. - аз ҳисоби воситаҳои махсус ва наздики 5,2 млрд. - аз ҳисоби қарзу грантҳо дар назар дошта шудааст.
Қисмати хароҷоти буҷет дар соли оянда дар ҳаҷми 26,5 млрд. сомонӣ ба нақша гирифта шудааст, ки нисбат ба нишондиҳандаи соли ҷорӣ - 9,5% бештар мебошад.
Дар назар аст, ки соли оянда ҳудуди 19,1%-и хароҷоти буҷет ба соҳаҳои иҷтимоӣ, 17,2% - ба соҳаи маориф, 15,2% - ба бахши ҳифзи иҷтимоӣ, 6,8% - ба соҳаи тандурустӣ ва 3,8% - ба бахши фарҳангу варзиш равона гардад.
Маҷмӯи маҳсулоти дохилӣ (ММД) дар соли оянда дар ҳаҷми 82,7 млрд., касри буҷет - дар сатҳи 0,5% нисбат ба ММД, мизони таварум - 6,8%, қурби асъори миллӣ нисбати доллари ИМА - 10 ба 1 пешбинӣ шудааст.
Қобили зикр аст, ки таҳияи буҷет барои соли оянда ҳамасола моҳи сентябр ба итмом мерасад. Баъди аз ҷониби ҳукумат маъқул шуморида шудани нишондиҳандаҳои он, лоиҳа ба баррасии палатаи поёнии парлумони ҷумҳурӣ фиристода мешавад. Буҷет барои соли ояндаро парлумон маъмулан нимаҳои моҳи ноябр тасдиқ мекунад.
Даромад ба буҷети соли 2019 аз ҳамаи сарчашмаҳои маблағгузорӣ дар ҳаҷми наздики 23,8 млрд. сомонӣ ва хароҷот - беш аз 24,1 млрд. сомонӣ пешбинӣ шудааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста